DESTRUCIÓN DE ECOSISTEMAS PROTEXIDOS POLA DIRECTIVA HÁBITATS

A directiva 92/43/CEE e a súa adaptación ao progreso científico do ano 97 (Dir. 97/62/CE) establecen as condicións para a conservación dos ecosistemas na Unión Europea e sinalan unha lista de ecosistemas e de especies necesitadas de protección. NORFOR ten realizado plantacións, polo menos en dous ecosistemas que figuran na lista do anexo 1 da directiva 97/62/CE.

Na plantación realizada nas proximidades do Monte Xaxán, no termo municipal do Concello de Vilaboa, se plantou sobre unha grande extensión do sistema natural que figura na directiva co código 8230, denominado: Rochedos silíceos con vexetación pioneira do Sedo-Scleranthion ou do Sedo albi-Veronicion dillenii.

Na plantación realizada na parcela denominada Baíñas, na provincia da Coruña, se plantou sobre unha matogueira atlántica que figura na directiva co código 4010, denominada: Uzeiras húmidas atlánticas septentrionais de Erica tetralix.

 

Peuquena superficie residual de matogueira atlántica en Baíñas
Nesta parcela a empresa ten realizado unha inmensa plantación de eucaliptos, en boa medida sobre un ecosistema a protexer según a directiva de Hábitats denominado uceira húmida atlántica septentrional.(Foto cedida por ERBA)
Destrozos para plantación ecosistema da lista Hábitats en Xaxán
NORFOR ten realizado serios destrozos con maquinaria pesada desrtruíndo vexetación protexida pola directiva Hábitats," rochedos silíceos con vexetación pioneira", no Monte Xaxán.