Pídenos o teu Libro da apdr:

VINTE ANOS EN DEFENSA DO MEDIO A MBENTE: 1987-1987 (10 €)

CAMPAÑA DE NADAL : POLO USO RACIONAL DA TELEFONÍA MÓBIL NA INFANCIA.
O 14/12/07 a APDR presentou na sala Sargadelos dita campaña denunciando a desprotección legal ante practicas empresariales coma as de Imaginarium, que ofertando as bondades de "seguridade" do seu teléfono móbil comete unha grave irresponsabilidade a nivel sanitario e educativo rebaixando a cota de mercado das multinacionais telefónicas a nen@s cada vez máis pequen@s, obviando o recomendado "principio de precaución" (Ver: Folla informativa da APDR, Chamada á precaución do Ministerio de Saúde francés). Tamén denunciamos a colaboración do Centro infantil de ocio CAMELOT coa publicidade dun teléfono móbil convencional de VODAFONE que oferta o acceso aos debuxos animados de POCOYO feitos para preescolares y de gran éxito no público infantíl. Ver Faro de Vigo 17/12/07

Rolda de Prensa en Mercavedra 18/12/07

ENTREGA DE PREMIOS DO CONCURSO DE CARTEIS SOBRE MEDIO AMBIENTE.
Os premios decididos polo xurado (Ver nota de prensa 24/11/07) foron entregados o mércores día 28 de novembro ás 19.30 horas na Sala de Exposicións da Escola de Restauración (edif. Belas Artes) na exposición “Vinte anos en defensa do Medio Ambiente”, onde foron expostas as obras premiadas.

1º Premio. Rosa Fernández Caamaño
2º Premio. Marcos Dios Almeida
3º Premio. Daniel Iglesias Padrón

"APDR: 20 ANOS EN DEFENSA DO MEDIO AMBIENTE". EXPOSICIÓN E LIBRO
EXPOSICIÓN: O 20 de novembro celebramos o vixésimo aniversario da APDR coa inauguración da exposición gráfica “VINTE ANOS NA DEFENSA DO MEDIO AMBIENTE. 1987-2007” que se mantivo 15 días na sala de exposicións da Escola de Restauración (Facultade de Belas Artes) , recollendo en varios paneis unha ampla selección de carteis, folletos, carteis e recortes de prensa que repasan as principais actividades desenvolvidas. Nesta exposición presentouse o LIBRO-CUÍA da exposición "APDR: 20 ANOS EN DEFENSA DO MEDIO AMBIENTE" que igualmente recolle con abundante material gráfico a activa historía da asociación (de venda no noso local por 10 €) e as obras premiadas no CONCURSO DE CARTEIS SOBRE MEDIO AMBIENTE.

MARTES 13 DE NOVEMBRO: 5º ANIVERSARIO DA CONDENA DE ENCE
Nesta data o avogado Vicente García Legísima presentaranos "UNHA VISIÓN ACLARATORIA DA CONDENA" ás 20, 30 H no TEATRO PRINCIPAL

CONCENTRACIÓN O MARTES 30 DE OUTUBRO NA PRAZA DA PEREGRINA ás 20,30h: ELNOSA E ENCE PECHE XA! OBRIGA A LEI E ESÍXEO A MAIORÍA!
Ante o fin do prazo para obter a autorización Ambiental obrigatoria este 30 de outubro, sin que a empresa ELNOSA a teña conquerido, xa que a súa tramitación foi arquivada pola Consellería de Medio Ambiente, a APDR considera que non se pode dilatar «indefinidamente» esta cuestión, nin por «ineptitude» nin por «complicidade» con ELNOSA: á necesidade de recuperar a ría para a explotación racional do marisqueo, a pesca e o turismo, súmanse razóns legais suficientes: OBRIGA A LEI E ESÍXEO A MAIORÍA. Ver recortes de prensa da concentración: Voz de Galicia 31.10.07 e Faro de Vigo 31.10.07 . Sobre ilegalidades ver: Elnosa minte, El Pais 21-09-2007 e 30-09-2007

Carteis da convocatoria
	Fotos da concentración

CONTAMINACIÓN ELECTROMAGNÉTICA: CO GRUPO DE VECIÑ@S AFECTAD@S EN CELA (BUEU).
Domingo 21.10.07: A Comunidade de Montes Veciñais de Santa María de Cela autoriza a instalación dunha antena base de telefonía móbil da compañía Vodafone, no lugar de Costa Grande (Chans) Luns 22.10.07: nace o grupo de veciñ@s afectadas en Cela pola instalación (anunciada) dunha antena de telefonía móbil en Chans que comeza unha campaña de información, sensibilización e recollida de sinaturas polo principio de precaución ante a imposición dunha antena cerca das súas Domingo 28.10.07 cheo na charla informativa aberta dun membro da xunta directiva da APDR, na Casa da Cultura de Cela, onde informou da actual situación científico-sanitaria-legal, destacando a necesidade de regulamentos baseados no principio de precaución Martes 06.11.08: entrega de 650 sinaturas no rexistro municipal de Bueu Mércores 07.11.08: Presencia de numerosos veciñ@s de Cela no Pleno municipal: compromiso do alcalde Félix Juncal de non dar licenza 20.11.08: Grupo de comuneros de Cela impugnan o acordo de instalación dunha antena de Vodafone Compromiso posterior do goberno municipal: regular específicamente sobre as antenas de telefonía móbil baseándose no principio de precaución. Ver: comunicado, impugnación comuneiros, noticias de prensa.

Veciñ@s de Cela no pleno municipal de Bueu

O CONSELLO ESCOLAR DO CEIP FROEBEL SOLICITA LA RETIRADA DA ANTENA DE TELEFONÍA QUE ESTÁ A ESCASOS METROS DO COLEXIO NA RÚA ECHEGARAY.
Coincidindo co fin do curso académico 2006-2007 na asemblea do Consello escolar do Centro de Educación Infantil e Primaria de FROEBEL, a proposta da ANPA Pardo Bazan do CEIP de Froebel, solicitou ao Concello de Pontevedra que, de acordo co principio de precaución regulado polo Tribunal de Xustiza da Unión Europea e recollido en tratados e convencións internacionais subscritos por España: cando subsista incerteza respecto á existencia e á importancia dos riscos para a saúde das persoas, as institucións poden adoptar medidas de protección sen ter que esperar a que a realidade e a gravidade dos riscos estean plenamente demostrados, se retire a antena instalada no edificio nº 24 da rúa Echegarai. debateuse o perigo potencial que supón a proximidade da antena basee dá rúa Echegaray 24, propondo: a súa retirada en base ao Principio de Precaución. Ver: Solicitude ao Concello de Pontevedra

AS MENTIRAS DE ELNOSA: ¿CANTO MERCURIO ESTÁ A EMITIR Á ATMÓSFERA? ¿CANTO ESTÁ A VERTER Á RÍA?
Nas súas declaracións diante da opinión pública e na documentación que presentou para solicitar a autorización ambiental integrada, ELNOSA asegura que está a cumplir coa lexislación no que se refire aos vertidos e nas emisións á atmósfera pero ¿son posibles as cifras de emisión que aporta a empresa? De acordo cos datos coñecidos as emisións atmosféricas e os vertidos á Ría teñen que levar cantidades moi superiores de mercurio. Máis.

PRESENCIA DE PONTEVEDRA NA MANIFESTACIÓN EN FERROL DO DOMINGO 30 DE SETEMBRO: "PLANTA DE GAS FORA DA RÍA".
A APDR garantiu un autobús, conxuntamente coa CNT, á manifestación convocada polo Comité Cidadá de Emerxencia de Ferrol (que levan anos loitando contra a ubicación do Complexo gasístico de Reganosa) amosándolles o noso apoio, ademáis de participar na manifestación: xantamos con eles e distintos colectivos solidarios presentes, así como visitamos  aos veciños que seguen pechados no Concello de Mugardos desde o pasado mes de xullo. Ver comunicado convocatoria . Ver foto (proximamente máis fotos)

A APDR SOLICITA AO CONCELLO INFORMACIÓN SOBRE A LEGALIDADE DAS ANTENAS BASE DE TELEFONÍA MÓBIL
Continuando o estudo do mapa das 20 antenas base detectadas na cidade así como das zonas sensíbeis afectadas (colexios, lugares de recreo, centros de maiores, centros sanitarios, ...), o sábado 22 de Setembro, se solicitou ao concello de Pontevedra "información detallada sobre as antenas base de telefonía móbil instaladas e en funcionamento na actualidade na nosa cidade que contan coa prescritíbel Licenza Municipal, necesaria para poder realizar a súa actividade". Esta petición . vai paralela á campaña de información que se está desenvolvendo nos centros escolares en colaboración coas ANPAS. Nota de prensa do 21 de Setembro de 2007

A "APDR" EXPRESA A SÚA SOLIDARIEDADE CO COLECTIVO "A REVIRA"
A Asociación pola defensa da Ría expresa a súa soliedariedade coa asociación cultural revira, que hai uns días sufriu o incendio provocado no seu local social da pontevedresa Rua Arcebispo Malvar. Nota de prensa do 15 de agosto de 2007. Enlace co comunicado da A.C. A Revira

Imaxes do atentado

A APDR DENUNCIA A ABSOLUTA INOPERATIVIDADE DA XUNTA NO TEMA ENCE
Ao mesmo tempo esixe o cumprimento da Lei de prevención e control integrados da contaminación. Esta Lei obriga a ENCE a solicitar a AAI con anterioridade ao 1º de xaneiro de 2007, e fixa un prazo máximo de 10 meses desde a data da solicitude para que a Xunta dicte resolución; engade a Lei que “transcurrido este prazo sen que se teña notificado resolución expresa, poderá entenderse desestimada a solicitude presentada”. Dacordo coa información facilitada pola Consellería de Medio Ambiente, ENCE ten solicitado a AAI no ano 2004, e teñen transcurrido xa 3 anos sen que a Xunta teña emitido nengunha resolución, o que dacordo coa Lei sitúa a ENCE fóra da legalidade. Nota de prensa do 10 de agosto de 2007

NOVO VERTIDO DA DEPURADORA DE OS PRACERES
A Asociación pola defensa da Ría manifesta a súa protesta pola realización dun novo vertido de augas e residuos directamente sobre o banco marisqueiro de Os Praceres. Nota de prensa do 27 de xullo de 2007

PRESENTACIÓN DA CAMPAÑA DE INFORMACIÓN SOBRE CONTAMINACIÓN ELECTROMAGNÉTICA E A TELEFONÍA MÓBIL
A APDR e o colectivo de persoas de afectadas polas antenas de telefonía de Moraña, súmanse a chamada do día internacional contra a CONTAMINACIÓN ELECTROMAGNÉTICA, denunciando públicamente a lexislación permisiva cos intereses das operadoras de telefonía móbil que esquecen estudos multicentricos (REFLEX) con datos CONCLUINTES sobre os EFECTOS XENOTÓXICOS da radiación da teléfonía móbil aos niveis autorizados nunha exposición CONTINUADA nos humanos (máis grave na infancia e na vellez). Presentouse un mapa de antenas de telefonía de Pontevedra coas ZONAS SENSÍBEIS EXPOSTAS (C. Sanitarios, Educativos, Xeriátricos, ..) e a vontade de convocar en setembro as asociacións de nais e pais e de veciñ@s para frear a contaminación electromagnética en Pontevedra en base ao Principio de Precaución. Ver prensa: Faro de Vigo do 23/06.07. Ver Manifestos: Día Internacional contra a Contaminación Electromagnética, Día Mundial das Telecomunicacións. Ver folletos APDR: Tríptico Telefonía móbil e saúde con mapa de antenas de Pontevedra e Folla: Telefonía Móbil e infancia

Foto da rolda de prensa no Faro de Vigo 23/06/07

A APDR ESTREA EN PONTEVEDRA O DOCUMENTAL "O SALARIO DO SILENCIO"
ENRIQUE BANET (dirección, guión, cámara e edición) e MABEL RIVERA (documentación, produción executiva e voz en offl) nun aforamento cheo do salón de actos de Belas Artes, presentaron o seu documental sobre a problemática da planta regasificadora de REGANOSA na Ría do Ferrol así como da loita pola defensa da Ría e contra da súa presencia. O documental contribúe a rachar o silencio que sempre pesou sobre REGANOSA, coa complicidade necesaria dos medios de comunicación. Ao remate da proxección tivo lugar unha animada conversa incluíndo os paralelismos na agresión e a defensa dá ría de Ferrol e a ría de Pontevedra a pesar dos distintos ámbitos sociohistóricos; vendéronse tamén DVD do documental a beneficio da Cofraría de Pescadores de Ferrol, que continuan á venda no noso local. Ver trailer de Vieiros. Enlace Vídeos Anti-Reganosa.

Cartel anunciando o acto / Recorte de prensa da presentación previa

8 DE XUÑO: ACTO SOLIDARIO CON BERNARDO BASTIDA E A RÍA DE FERROL. CONCENTRACIÓN ORGANIZADA POLA APDR NA PRAZA DA PEREGRINA DE PONTEVEDRA: A RÍA E NOSA E NON DE REGANOSA!
Diante da decisión do Xulgado de Ferrol de confirmar a prisión incondicional sen fianza do patrón maior da cofraría de mariscadores de Ferrol, máis de cen persoas concentráronse na Peregrina, en resposta á convocatoria da APDR, esixindo a inmediata posta en liberdade de Bernardo Bastida e manifestando a solidariedade coa xusta loita qu está a desenvolver o pobo ferrolán. O "delito" de Bastida é loitar, xunto con milleiros de cidadánd de Ferrol, pola defensa dos recursos naturais da Ría de Ferrol e a seguridade da súa poboación. Ver: Nota de prensa 31.05.07 . Convocatoria Manifestación 3 de Xuño en Ferrol. Declaración de Bernardo Bastida. Enlace do Comité Cidadán de Emerxencia para a Ría de Ferrol.

Representantes do CCE da Ría de Ferrol e da APDR dirixíndose as persoas concentradas na Peregrina

DENUNCIA CONTRA NORFOR POR REALIZAR UNHA PLANTACIÓN INCUMPLINDO A LEXISLACIÓN
A APDR presentóu, conxuntamente coa "Asemblea do Suído", unha denuncia diante da Consellería de Medio Rural contra a filial forestal de ENCE, NORFOR, por ter realizado unha plantación no término municipal de Covelo que está a provocar unha forte erosión, un serio impacto paisaxístico e a destrucción da vexetación orixinal no entorno dun dos novos espazos destinados a formar parte da rede NATURA 2000, a Serra do Suído. Máis.

A APDR CELEBROU UNHA GRANDE MARCHA CONTRA CELULOSAS
Milleiros de persoas participaron o sábado día 5 nunha nova "Marcha contra Celulosas" para apoiar a esixencia do peche do complexo. A convocatoria contou cun gran número de apoios, o que amosa que a oposición á fábrica de ENCE aínda segue a medrar. Entre outros grupos e colectivos, estiveron presentes representantes da Rede de Alerta contra o Deserto Verde. FOTOS DA MARCHA. Comunicado da Marcha contra Celulosas 2007.

ENCE DENUNCIADA POR RECHEOS ILEGAIS NUNHA BALSA DE DECANTACIÓN
A Asociación ten denunciado a ENCE diante da Consellería de Medio Ambiente e diante da Dirección Xeral de Costas por iniciar o recheo con escombros da balsa de decantación número catro na que, durante moitos anos, se recibiu o vertido de ELNOSA, fortemente contaminado de mercurio. A perigosidade desta operación, que agora a empesa pretende realizar de xeito ilegal, foi a causa de que a Dirección Xeral de Costas non a autorizara cando a empresa o solicitou. Máis.

Aspecto dos recheos con escombro na balsa de decantación número catro.

Á APDR PREOCÚPALLE A FALTA DE DECISIÓN DO GOBERNO GALEGO NO TEMA ENCE
Foron moitos os prazos fixados polo goberno galego (ou por varios dos seus membros, incluíndo ao seu presidente) para o inicio das negociacións con ENCE e mesmo para dar a coñecer a nova ubicación da factoría; moitos e sempre incumpridos. Evidentemente, esta situación preocúpanos na Asociación, por máis que sexamos conscentes das dificultades que supón o problema e que saibamos que a solución definitiva non vai vir da noita para a mañán. As últimas declaracións de Teresa Táboas, Conselleira de Vivenda e Solo, e do propio presidente da Xunta de Galicia non axudan, por desgracia, a mitigar a preocupación. Ver nota de prensa do 8 de abril.

A APDR ESIXE O PECHE INMEDIATO DE ELNOSA
A APDR, diante da entrevista celebrada entre responsables de ELNOSA e o concello de Pontevedra, e dado que é imposible que a empresa acade antes de outubro deste ano a Autorización Ambiental Integrada, que lle ten sido denegada e é imprescindible para o seu funcionamento; esixe o peche inmediato da perigosa e contaminante factoría polo ven loitando a sociedade da bisbarra dende fai anos. Nota de prensa do 28 de febreiro.

A ASOCIACIÓN POLA DEFENSA DA RÍA REALIZOU UNHA PLANTACIÓN DE ÁRBORES EN PEDRE
A Asociación organizou o domingo 25 de febreiro unha plantación de árbores frondosas en Pedre, onde comezou o incendio máis importantes deste pasado verán. Con esta actuación fixemos unha chamada ao rexeitamento do lume forestal e á implicación da cidadanía na recuperación dos nosos ecosistemas e ecosistemas forestais. Máis.

Os montes de Pedre levan anos sufrindo as consecuencias dos lumes

DENEGADA A SOLICITUDE DE ENCE DE DECLARACIÓN DE INNECESARIEDADE DO DOMINIO PÚBLICO MARÍTIMO TERRESTRE DAS MARISMAS DE LOURIZÁN
A APDR ten recibido comunicación do Ministerio de Medio Ambiente na que se informa da denegación da solicitude realizada por ENCE de declaración de innecesariedade do dominio púyblico marítimo terrestre das Marismas de Lourizán. Coa idea de manter a súa actividade industrial nas Marismas máis alá da caducidade da súa concesión no ano 2018, ENCE tiña presentado unha solicitude de declaración de innecesariedade que no seu momento foi alegada pola APDR. Agora ven de denegarse definitivamente tal solicitude.

<< Inicio < Anterior 1 2 3 Seguinte > Final >>