24.06.09. DÍA INTERNACIONAL CONTRA A CONTAMINACIÓN ELECTROMAGNÉTICA: A COORDINADORA PROVINCIAL PRESENTA UN MANIFESTO CONTRA A ELECTROPOLUCIÓN
Diferentes membros da Coordinadora Provincial contra a Contaminación Electromagnética de Pontevedra, da que fai parte a APDR, presentamos o Manifesto, recén aprobado a nivel estatal, que demanda aplicar o principio de cautela xa reclamado polo Parlamento Europeo, da Axencia Europea de Medio Ambiente, o Informe BIOINITIATIVE. Informouse do compromiso de facer un estudo sobre a contaminación electromagnética en Moaña; do compromiso do tenente de alcalde de Vilaboa de aprobar unha normativa garantista proposta polas persoas afectadas; e dos contactos veciñais co concello de Vigo. Trala presentación acordamos en xuntanza as vindeiras liñas de actuación. Ver Manifesto. Ver prensa local
|
|
................................................
20.06.09 ÁS 20h: MANIFESTACIÓN EN CANGAS: SOS MASSÓ: ÁS 20 HORAS, DENDE A ALAMEDA VELLA DE CANGAS ATE O SALGUEIRÓN
A APDR solidarízase coas demandas do Foro Social de Cangas, dos seus veciños e mariñeiros polo cese inmediato das agresións ilegais ao litoral de Cangas, no Salgueirón e en Punta Balea. Ver nota de prensa
|
|
--------------------------------
17.06.09: PROPOSTAS PARA UNHA XESTIÓN PREVENTIVA E SOSTÍBEL DOS RESÍDUOS SÓLIDOS URBANOS
A FEG, da que fai parte a APDR, e Amigos da Terra presentaron un informe ofrecendo a este novo goberno unha serie de propostas concretas e imprescindíbeis para implantar unha axeitada xestión dos residuos sólidos urbanos no noso país.Ver nota de prensa. Ver informe
|
|
---------------------------------------------
13.06.09. A PLATAFORMA ESTATAL CONTRA A CONTAMINACIÓN ELECTROMAGNÉTICA DEMANDA UNHA LEXISLACIÓN SOBRE SAÚDE E CAMPOS ELECTROMAGNÉTICOS
A Coordinadora Provincial Contra a Contaminación Electromagnética de Pontevedra participou no 2º encontro estatal na que participan organizacións veciñais, de persoas afectadas e ecoloxistas de distintos puntos do estado, que culminou na elaboración dun manifesto común e a próxima creación de grupos de traballo específicos.Ver: Nota de prensa
|
|
---------------------------------------------
Ver video A Nosa Terra 11.06.09
Colabora conosco! Nos mirarás polo serán na Praza da Peregrina
POR UN MODELO DE DESENVOLVEMENTO SUSTENTABLE QUE
PERMITA A CREACIÓN DE POSTOS DE TRABALLO NA COMARCA
PORQUE A RECUPERACIÓN DA RÍA, DA SAÚDE E DOS POSTOS DE TRABALLO NON PODE AGARDAR MÁIS: HOXE MÁIS QUE NUNCA, CELULOSAS-ELNOSA FÓRA DA RÍA!!!
SÁBADO 13 DE XUÑO
MARCHA CONTRA CELULOSAS
SAÍDA ÁS 19:30 DAS ALAMEDAS DE MARÍN E PONTEVEDRA
AO REMATE: POLBADA NA PRAZA DA PEDREIRA
---------------------------------------------
05.06.09. MOAÑA: ACORDO DE AVALIACIÓN DA CONTAMINACIÓN ELECTROMAGNETICA ...
... a proposta dos colectivos sociais, incluida a APDR (que apostamos por primeiro avaliar para despois limitar e minimizar a contaminación electromagnética); no encontro con representantes do concello, Telefónica Móviles e do Ministerio de Industria. Ver Nota de prensa do 06.06.09. Ver: Faro de Vigo 07.06.09 |
|
---------------------------------------------
31.05.09. MANIFESTACIÓN EN VIGO: "ESTE MODELO TEN ALTERNATIVA: DEFENDAMOS O LITORAL.
A APDR como integrante da Federación Ecoloxista Galega apoia a manifestación que ten convocada a Rede Galiza Non se Vende (na que participa a FEG) |
 |
---------------------------------------------
12 E 29.05.09 A CAMPAÑA DE USO RACIONAL DO TELÉFONO MÓBIL NOS "COLES"
Desenvolvida pola APDR entre nais e pais do CPI Padín Truiteiro en Soutomaior (Arcade) e do CEIP de Atios (Porriño) no marco da campaña de colaboración coa Federación de ANPA de Pontevedra e a Coordinadora Provincial contra a contaminación electromagnética. Ver Nota da Presentación. Ver Folleto: CARA A / CARA B. Ver: dossier Campaña do Concello de Lyon (galego, castelán, francés) |
|
---------------------------------------------
17.05.09. MANIFESTACIÓN PÒLA LINGUA EN COMPOSTELA O DOMINGO ÁS 12h
A APDR convoca a asistir á manifestación convocada pola Mesa pola Normalización Linguística baixo o lema “O galego, a nosa columna vertebral. A lingua que nos une!” |
|
-----------------------------------
26.04.09; A FEG POLA PROTECCIÓN DO LITORAL
A Federación Ecoloxista Galega (FEG), da que fai parte a APDR, escenificou o pasado domingo 26, co gallo do Día da Terra, un acto reivindicativo en Silgar (Sanxenxo) cunha rede duns 40 metros de lonxitude, na que se podía ler "Non tapemos a costa. Proteccion do litoral xa". Este acto reclama unha xestión integral do litoral baseada nun modelo de desenvolvemento sostible para frear o urbanismo salvaxe e o emprazamento irracional de grandes industrias no litoral que esta a causar graves perxuízos no noso ambiente, paisaxe, saúde e economía.. Ver: declaración da FEG, Ver: Vieiros, Ver: Europa Press, Ver: vídeo
-------------------------------
TELEFONÍA MÓBIL E SAÚDE
25.04.09: XORNADA PROVINCIAL EN PONTEVEDRA (no Pazo da Cultura); por unha regulación en base a criterios de saúde e evitación de riscos. A "Coordinadora Provincial Contra a Contaminación Electromagnética de Pontevedra", nada o 24 de xuño de 2008 da confluencia de asociacións veciñais, ecoloxistas. de nais e pais, colectivos de persoas afectadas; autoconvócase nunha xornada onde consolídarse organizatívamente abrindo un debate na sociedade no campo sanitario, xurídico, municipal e de educación para a saúde.
|
|
|
--------------------------
02.04.09. A APDR SOLICITA AO TRIBUNAL SUPREMO A REVOGACIÓN DA SENTENCIA DO TSXG
O TSXG desestimou o recurso da APDR contra a Supramunicipalidade concedida polo Consello da Xunta de Galicia ao proxecto sectorial de ENCE. A APDR solicita ao Tribunal Supremo a revogación de dita sentencia do TSXG por considerar que: existe fraude de lei e abuso de dereito (na actuación de ENCE ao incluír a planta depuradora no Proxecto Sectorial); infrinxen (Xunta de Galicia e TSXG) o principio constitucional de seguridade xurídica (art. 9.3); infrinxe a Lei de Augas (art. 127.1); vulnera o principio constitucional de autonomía local, e de publicidade de normas (art. 140 e 9.3). Ver: nota de prensa
-----------------------------------
FEBREIRO, MARZO E ABRIL 2009. DERRADEIRAS CONVOCATORIAS E ACTUACIÓNS CONTRA A CONTAMINACIÓN ELECTROMAGNÉTICA :
.... Nas que a APDR participa co resto de colectivos sociais na defensa do Principio de Precaución na coordinación a nivel provincial (precaución xa requerida a nivel europeo pola Axencia Europea de Medio Ambiente, e as derradeiras resolucións do Parlamento Europeo en base ao Informe Bioiniciativa, e ao informe da Comisión parlamentaria europea de Medio Ambiente, Saúde Pública e Seguridade Alimentaria):
21.04.09: ACTO VECIÑAL DE PEDRA CHOCA EN CANGAS SOBRE A RESOLUCIÓN PARLAMEN-TARIA EUROPEA DE ABRIL na Casa da Cultura ás 20h, que contará como relator cun membro da APDR |
|
|
|
14.04.09: COLECTIVOS DE AFECTADOS, VECIÑAIS E ECOLOXISTAS PRESENTAMOS ALEGACIÓNS AO PLAN DE IMPLANTACIÓN DE VODAFONE EN MOAÑA. Ver Alegacións |
|
07.03.09. NACE A PLATAFORMA ESTATAL CONTRA A CONTAMINACIÓN ELECTRO-MAGNÉTICA con membros da Coordinadora Provincial de Pontevedra e da Federación Veciñal Roi Xordo de Ferrol . Ver: Nota de prensa |
|
|
Foto Capotillo. La Voz de Galicia 12.06.07 |
03.03.09. NOTIFÍCANNOS A ILEGALIDADE DAS ANTENAS DE SALCEDO: AGORA POLO PECHE CAUTELAR ... e a regulación das antenas co criterio de Precaución, tal e como comprometeuse o Tenente de Alcalde de Vilaboa. Ver: nota de prensa. Ver: Petición ao Concello de Pontevedra. Ver: dossier de prensa: 2008 e 2009 |
3 Mastros de T. móbil e L. de alta tensión. Foto Noé Parga (Faro de Vigo 07.12.09) |
|
|
24.02.09. REDONDELA: COLECTIVOS DE AFECTADOS, VECIÑAIS E ECOLOXISTAS REXEITAMOS EN A PROPOSTA MUNICIPAL QUE "DES"REGULA MÁIS A IMPLANTACIÓN DE ANTENAS E REALIZAMOS UN ACTO INFORMATIVO EN CHAPELA O 09.03.09 .... A proposta municipal aumenta a desprotección, o caos ilegal e a inmunidade dos operadores, chegando a permitir antenas ata no mobiliario urbano entre vivendas. Ver nota de prensa. Ver prensa 27.02.09 |
|
|
|
---------------------
O TSXG REXEITA O RECURSO DA APDR E AS CONFRARÍAS DE PESCADORES CONTRA A MODIFICACIÓN DO PLAN ESPECIAL DO PORTO DE MARÍN
A pesar deste reixetamento, a APDR continuará demandando o cese dos recheos e lembra, entre outros, os Informes da Consellería de Pesca que constatan os danos que se están a dar nos bancos marisqueiros do interior da Ría de Pontevedra. Ver La Voz de Galicia 13.03.09. Ver: Diario de Pontevedra 13.03.09. Ver recurso. Ver máis |
|
---------------------
15.02.09: A APDR NA MANIFESTACIÓN DE “GALIZA NON SE VENDE” ....
".... para este Domingo 15 de febreiro en Compostela ás 12 h. e coa que baixo o lema GOBERNE QUEN GOBERNE, GALIZA NON SE VENDE, querese expresar a mais enérxica protesta ante o desolador panorama que deixa este goberno coas súas políticas ambientais e sociais que están arruinando Galiza, destruíndo a súa paisaxe, os seus recursos naturais, o patrimonio cultural e a biodiversidade. Políticas ambientais e sociais que significan a continuación das de gobernos anteriores no triste camiño de entregar o país, os seus recursos e a súa identidade, ás grandes empresas multinacionais e aos grandes intereses económicos...". Ver Nota de Prensa completa
---------------------
06.02.09: BALANCE DA APDR DOS DERRADEIROS 4 ANOS NO CASO ENCE/ELNOSA
" ... Definitivamente, o goberno da Xunta de Galicia incumpriu o seu acordo ao respecto do complexo ENCE-ELNOSA, algo que viñamos anunciando e denunciando reiteradamente desde a APDR" ...mentres o PP tenta tirar beneficios electorais da situación disfrazando a súa inequívoca posición de apoio á continuidade do complexo ENCE-ELNOSA en Lourizán falando de traslado dentro do municipio, opción absurda, inviabel e rexeitada pola ampla maioría social na bisbarra. Seguimos esixindo o peche definitivo e inmediato dunha actividade que por en perigo o noso medio ambiente, a explotación racional dos recursos marisqueiros, pesqueiros, forestais e turísticos da nosa Ría, a nosa saúde, e a posibilidade dun modelo económico de desenvolvemento sustentábel quen de crear milleiros de postos de traballo... Ver nota de prensa.
------------------
CONVOCATORIAS POR PALESTINA
A APDR participa das convocatorias unitarias da Coordinadora de Pontevedra contra a Guerra en solidariedade con Palestina. Ver: Próximas convocatorias:
XOVES 19 DE FEBREIRO: RECITAL POÉTICO: Voces por Palestina. Ás 20:30 na Praza da Peregrina: onde os asistentes podan participar na lectura de poemas breves. Non é un acto de poetas. Nin de personalidades. É un acto do pobo para o pobo. Non haberá estrado. Será a pé de rúa. Non haberá grandes medios técnicos, apenas humilde megafonía. Non seremos portada nos medios, bastaranos con aqueles viandantes que sintan resoar dentro de si a voz daqueles/as tantas veces silenciados/as.
|
|
| XOVES 5 DE FEBREIRO: "101 OCUPATION": A voz dos silenciados. 20:30h Sala Sargadelos. Documental de Sufyan Omeish e Abdallah Omeish: 101 entrevistas de estudosos de América e de Israel, líderes relixiosos, traballadores humanitarios, ONG. Crítica das inxustizas e violacións dos dereitos humanos que se derivan da política israelí na Ribeira Occidental, Xerusalén oriental, e Gaza |
 |
| XOVES 29 DE XANEIRO: CHARLA CON MOHAMED SAFA. Médico e activista palestino residente en Galiza. Autor do libro "palestina, tierra de luz y sombra". ÁS 20, 30 h. NO SALÓN DE ACTOS DO EDIFICIO DOS SINDICATOS, RÚA PASANTERIA Nº1. |
|
