INVESTIGACIÓNS

As operadoras de telefonia móbil (apoiada en moitos casos polos mesmos asesores das tabaqueiras que fixaban estándares para as probas científicas para impedir demostrar que o fume do tabaco é daniño) inténtanos convencer, dende os seus intereses económicos, de que non pasa nada e que non se pode demostrar perigo algún para a saúde no seu caótico despregamento actual. Son moitos os estudos independentes e informes técnicos (inclusos de departamentos de distintas administracións públicas) que, a pesar da forte presión a que están sometidos, aluden a un uso racional da telefonía móbil baseada no principio de precaución (telefonía móbil regulada en base a criterios de saúde e evitación de riscos). Esta páxina intenta dar voz a aqueles estudos independentes e aos profesionais que os apoian.

Web belga que recopila referencias a máis de 300 publicacións científicas por orde cronológica con abceso a enlaces ao abtract de Pubmed ou ao artigo completo nalgúns casos. Os comentarios en itálica e as traducións ás que se remiten proveñen do CSIF-CEM (Comité Científico sobre os Campos Electromagnéticos).

EMFacts Consultancy. Web establecida en 1997 como fonte independente da información sobre os temas de saúde e de seguridade relacionados coa exposición humana á enerxía electromágnetica, cos resumes das recentes investigacións dos efectos dos CEM sobre a saúde.

Selección recopilada pola Asociación Vallisoletana de Afectados por Antenas de Telecomunicaciones "con abundantes artigos científicos orixinais clasificados por doenzas ou síntomas. Dedicada expresamente a biólogos, médicos e investigadores con coñecementos de Inglés".

PROXECTO REFLEX.
 (“Risk Evaluation of Potential Environmental Hazards from Low Energy Electromagnetic Field (EMF) Exposure Using Sensitive in vitro Methods” )

Se tradicionalmente considerouse imposíbel que as radiacións non ionizantes poideran producir efectos xenotóxicos, o estudo multicéntrico REFLEX da Comisión Europea, tras rematar a súa 1ª fase in vitro (dende o 2000 ao 2004 en 12 centros de 7 estados europeos) centrada na resposta celular e molecular, CONCLÚE que a radiación da telefonía móbil aos niveis de potencia actuais PROVOCA EFECTOS XENOTÓXICOS nunha exposición continuada (maior en novos e maiores). Aínda descoñecen os mecanismos biolóxicos implicados (non térmicos) e queda para posteriores fases a investigación sobre a implicación destes cambios biolóxicos (roturas das cadeas do ADN) na alteración potencial da saúde das persoas e outros seres vivos.

Estes resultados:

  1. Coinciden con outros anteriores: o equipo de Henry Lai do laboratorio de investigación en bioelectromagnetismo (Departamento de bioinxeniería da Universidade de Wáshington), publicou isto mesmo en 1995, cando o despregamento da telefonía móbil atopábase nos seus inicios (Lai e Singh, 1995).
  2. Concordan coas sospeitas da relación co cancro e diferentes enfermidades neurodexenerativas descritas en numerosos artigos aceptados e publicados en revistas de investigación científica, incluidos os estudos epidemiolóxicos que inciden no incremento de ditas patoloxias arredor das antenas de telefonía móbil.
  3. Requiren continuación: científicos europeos participantes no Proxecto Reflex denuncian que a Comisión Europea paralizase posteriores fases do estudo Reflex para poder analizar a implicación real sobre a saúde humana que leva este achado, así como a ocultación das súas conclusións (xenotoxicidade) por diversos organismos oficiais.
INFORME BIO-INICIATIVA
 The BioInitiative Report: "A Rationale for a Biologically-based Public Exposure Standard for Electromagnetic Fields (ELF and RF) Potential Environmental Hazards from Low Energy Electromagnetic Field (EMF) Exposure Using Sensitive in vitro Methods” New York 31/08/07 http://www.bioinitiative.org/

Informe de expertos de recoñecemento internacional (nos campos do cancro, da inmunoloxía, da saúde pública e da política ambiental) cunha revisión bibliográfica de máis de 600 páxinas referentes a máis de 2.000 estudos científicos e traballos. O conxunto de científicos participantes, incluida a propia AXENCIA EUROPEA DE MEDIO AMBIENTE -EEA-, que xunto cos demáis participantes CONCLÚEN NESTA REVISIÓN QUE OS LÍMITES DE PROTECCIÓN ACTUAIS (establecidos pola O.S.F.C.C. e a I.C.N.I.R.P. -referentes da lexislación española-) NON SON SEGUROS:

- CONSTATAN que os niveis existentes de seguridade pública son inadecuados para protexer a saúde pública e documentan as evidencias científicas actuais sobre a relación causal dos campos electromagnéticos (leucemia infantil e outros cancros infantís, tumores cerebrais e neuromas, cancro de mama, cambios no sistema nervioso e nas funcións cerebrais, así como os efectos nos xenes e no ADN / proteínas do estrés / sistema inmunolóxico)

- RECLAMAN a imperiosa necesidade de dispor de límites máis estritos ante a exposición ós campos electromagnéticos de hiperfrecuencias de microondas pulsadas e aos campos electromagnéticos de baixa frecuencia.

APOIOS INSTITUCIONAIS AO INFORME BIO-INICIATIVA: