NOTICIAS 2015: páxina  4 

  Demasiados eucaliptos! Reducir as plantacións e limitalas a determinadas zonas.
  Asina a petición  
 Salvemos a Fracha!
  Asina a petición 
  Impidamos a prórroga de ENCE en Lourizán!
  
Petición xa pechada: 18.342 sinaturas en change.org e máis de 3.400 na rúa.
--------------------
05.02.2016. Colectivos ecoloxistas e ambientalistas galegos presentamos a campaña: "STOP EUCALIPTO, AVANTE CARBALLO!" en Pontevedra ....
... inevitablemente ligada á empresa Ence (quen tutela e quen dirixe a eucaliptización deste país) e a prórroga por 60 anos que acaba de concederlle o Ministerio de Medio Ambiente (que implicará a expansión do modelo de monocultivo de eucalipto). As 5 medidas propostas no manifesto demandan unha necesaria resposta á gravísima situación actual da extensión das plantacións de eucaliptos en Galiza (a maior superficie de eucaliptais do Estado) cun crecemento  trepidante nas últimas décadas e a necesidade de conservar os nosos hábitats autóctonos. Xa na Península Ibérica localízanse o 53% da superficie mundial de Eucalyptus globulus, máis que en toda Australia. Este aumento imparable do eucalipto esta relacionado inevitablemente co abandono agrario e o declive do medio rural galego. Ver o Manifesto "STOPT EUCALIPTO, AVANTE CARBALLO". Ver PontevedraViva,  Sermos Galiza,
--------------------
29.01.2016. Unha multitudinaria manifestación de urxencia clama en Pontevedra "Ence fóra da ría para sempre"  ....
... "nunha das manifestacións que se pode considerar das máis multitudinarias en moitos anos na cidade... De feito, houbo tantos manifestantes que a cabeceira e a cola practicamente chegaron a tocarse por uns vinte metros na confluencia de Benito Corbal e a praza dá Ferrería, case media hora despois de que se dese o pistoletazo de saída" [según apunta La Voz de Galicia]. O manifesto tivo que ser lido unha segunda vez e ainda así cando se rematou a súa lectura seguia entrando xente na Praza. ... A loita continua!!!. Ver texto do Manifesto en encefora.gal,  Ver Galicia Confidencial, PontevedraViva.com, Faro de Vigo, La Voz de Galicia (1-2-3), Diario liberdadeDiario de Pontevedra, ... Ver máis información no Faceboock da APDR.
Ver Galeria de Fotos: PontevedraViva.com, Galizafoto, Diario de Pontevedra, La Voz de Galicia,
Ver vídeos: Galizacontrainfo, ICR(texto convocatoria confundido), atresplayer.com (
do minuto 39:44 ao 41:44), Vídeo resume da manifestación en contra de ENCE en Pontevedra, "Love theme from ENCE" Canción de poetarras,  

--------------------
27.01.2016. Concentración de urxencia   ....... Máis de duascentas persoas concentrámonos ás 19h fronte a Audiencia Nacional como resposta inmediata á decisión gobernamental, dunha prórroga de 60 anos, decisición inaceptable e eticamente reprobable dun goberno en funcións e dun presidente "que está desaparecido e derrotado" . Esta concentración foi o anuncio da convocatoria dunha manifestación o vindeiro venres na Ferraria.... Ver PontevedraViva.com. Ver galeria de fotos.
--------------------
26.01.2016. A asemblea aberta ence fóra da ría para sempre convoca mobilizacións de urxencia ....

... Ante a decisión tomada por un goberno en funcións de conceder unha prórroga a ENCE de 60 anos máis na Ría de Pontevedra, iniciamos un programa de MOBILIZACIÓNS URXENTES CONTRA A PRÓRROGA DE ENCE: concentracións na sede provincial do PP hoxe (trala asemblea) e o mércores 27 ás 19h, unha manifestación o venres 29 ás 20:30 na Praza da Ferrería. Se solicita aos grupos municipais declarar a Rajoi persoa non grata. As accións continuarán durante o Carnaval,  para retomar despois as reunións con vistas a organizar unha gran manifestación de ámbito autonómico que terá lugar en Pontevedra. Ver Diario de Pontevedra, Voz de Galicia, PontevedraViva. Ver fotos de la Asemblea e da concentración posterior.

--------------------
18.12.2015. PrepotEnce, €NC€ amenaza de novo ....
... ás autoridades administrativas e ás institucións locais –e ao conxunto da cidadanía da comarca pontevedresa- con non instalar unha planta de biomasa en Lourizán e levala a Huelva, forzando ao goberno central para conceder a prórroga da concesión máis aló do 2018, xogando coa hipotética e enganosa creación de emprego directo e indirecto ... Abonda con dicir que se trata dunha planta de biomasa aínda non concedida a ENCE de forma definitiva e que a empresa asegura naquela comarca que será instalada en Huelva sen ningún tipo de dúbidas, vendendo tamén alí a creación de postos de traballo... Prepotence? Non grazas!... Ver nota de prensa. Ver PontevedraViva.com

--------------------
12.01.2016. A APDR e a PECCEM acuden ao parlamento europeo en Bruxelas para elaborar unha  ICE para regular a exposición aos campos electromagnéticos ....

... xunto a organizacións de 10 países europeos, patrocinado pola eurodeputada francesa dos Verdes/ALE Michèle Rivasi, para instar aos estados a adoptar as recomendacións expostas na Resolución 1815 da APCE, ignoradas no estado español malia as resolucións dos Parlamentos Vasco e Navarro, as recomendacións do Colexio Oficial de Biólogos de Galicia a favor de aplicar dita resolución, e as alertas de científicos, expertos e investigadores de Universidades e centros hospitalarios públicos de diferentes comunidades autónomas (en galiza a Dra. Elena López Martin na propia Universidade de Santiago de Compostela) apoiadas por organizacións sociais en numerosos ámbitos ... Ver nota de prensa. Ver Galería de fotos
--------------------
Parabéns da APDR a Carlos Solla, recoñecido co Premio Cidade de Pontevedra 2015 ....
...  a proposta das e dos compañeir@s de Vaipolorío. Recoñecemento moi xusto a un veciño destacado desde hai anos polo seu compromiso social, entregada á defensa do medio ambiente e da cultura inmaterial e material do noso pobo, e empeñado especialmente no rexurdimento da terra onde están as súas orixes (e as de tantas/os pontevedresas/es máis), Cerdedo e a Terra de Montes, a comarca onde nace o río Lérez e, por tanto, a Ría de Pontevedra. Amigo e colaborador da APDR, persoa implicada na loita pola recuperación da Ría e, en consecuencia, contra a presenza en Lourizán do complexo industrial contaminante Ence-Elnosa. Aproveitamos esta ocasión para lle agradecer o seu apoio, sempre desinteresado e xeneroso... Ver nota de prensa. Ver "Os nenos do mercurio" (texto de Calros Solla lido tras unha manifestación en contra de ENCEen 2013). 
--------------------
COLABORA COA DEFENSA DA RÍA NO SORTEO DE 2 CEAS: O TEU APOIO A NOSA FORZA ...
.... Colabora económicamente coa APDR participando no sorteo de dúas ceas para dúas persoas cada unha. Tes até o dia 6 e son só 2,50 €! Escolle os teus números nos locais A Panela, Badiana, Bagos, Envero, Loaira, O Bioco, Saudade e Tábula Rasa.
--------------------
A APDR solicita ao Ministerio de Medio Ambiente a consideración como parte interesada no expediente da prórroga de ENCE ....
... ao ter coñecemento de que está disposto a concedela antes da toma de posesión do novo Goberno, decisión eticamente reprobábel e ilexítima (o Goberno en funcións tomaría unha decisión tan transcendental prorrogando unha concesión en terreos de titularidade pública a unha empresa privada que, ademáis, incumpre a legalidade), que rozando coa prevaricación  hipotecaría a Ría, os postos de traballo derivados da explotación racional dos seus recursos e daqueles dos sectores forestal e turístico e impediría, definitivamente, o seu saneamento e recuperación e sería contraria á Lei xa que existen causas abondo para decretar a caducidade da concesión da empresa ENCE......  Ver nota de prensa. Ver PontevedraViva.com, Faro de Vigo.
--------------------
22.12.15. O 20 de decembro as urnas volveron dicir “ENCE-ELNOSA FÓRA DA RÍA” ...
... , como sucedera anteriormente nas municipais, deixando de novo as cousas claras. A suma dos votos das candidaturas que defenden a saída de Ence e Elnosa da Ría de Pontevedra (En Marea, PSOE e Nós) venceron ao tandem PP-Ciudadanos no concello de Pontevedra, Se a isto engadimos os resultados nos demais concellos (Marín, Poio, Sanxenxo e Bueu) a cousa fica en case 46000 frente a pouco máis de 42000. O actual goberno en funcións non ten lexitimidade democrática para conceder ningunha prórroga a Ence. Unha decisión tan trascendental, que responde a criterios políticos, non meramente técnicos, non pode ser tomada por un goberno ao que lle restan semanas de vida e cuxa actuación ven de ser rexeitada de maneira rotunda .... . Ver nota de prensa. Ver Faro de Vigo
--------------------
18.12.2015. A Plataforma Ence Fóra da Ría para Sempre solicitou hoxe ao goberno central a través do Servizo Provincial de Costas impedir a consolidación de €NC€ na ría ....

... "tan negativa para a Ría, para a saúde e a calidade de vida da veciñanza e para a economía da comarca, absolutamente incompatíbeis coa presenza do complexo ENCE-ELNOSA ...., que, teña en conta as alegacións das distintas partes interesadas no proceso da caducidade da concesión da empresa ENCE, e reconsidere a actual posición do Servizo de Costas (e da propia Dirección Xeral de Costas) estimando como causas da caducidade a todas aquelas que –é o caso do incumprimento xeralizado da esixencia concesional de que os seus vertidos non superen as 20 ppm para o parámetro DBO- non deixan lugar a dúbidas sobre tal caducidade" ... Ver nota entregada por integrantes da Plataforma. Ver PontevedraViva.
--------------------
13.12.2015. Hoxe lembramos a Ana Pastor que a Ría non se vende .....
"O PP vende a Ría" e "A Ría e nosa e non da celulosa" foron algunhas das frases coreadas hoxe na entrada ao mitin electoral de Ana Pastor en Pontevedra, denunciando a corrupción ambiental e as portas xiratorias dun partido implicado na defensa dos intereses particulares de €NC€ e que defende dar unha prórroga que hipoteque un mínimo de 50 anos máis un desenvovemento racional da Ría, aínda que poda caer en delito de prevaricación ..... Ver fotos en facebook, Praza Pública.

--------------------
02.12.2015. A APDR estuda denunciar por prevaricación ao goberno de Rajoy se concede a prórroga a Ence ....
... O interese do PP en manter a Ence e a Elnosa nos seus emprazamentos actuais empurra a facelo de forma ilegal xa que os vertidos de ENCE incumpren o título concesional ao superar 20 partes por millón de DBO (demanda biológica de oxígeno). José Manuel Server, responsable de imprementación de dereito ambiental da Dirección Xeral de Medio Ambiente da UE, manifestóunos o día 3 en Bruxelas que os vertidos da fábrica pasteira están rexidos pola directiva europea de augas residuais urbanas, incumprida por ENCE ao medir as emisións en Kg/d (que aceptouse irregularmente na AAI) e non en mg/L (ocultando a súa implicación ambiental) ......  Ver PontevedraViva.com, Faro de Vigo, Diario de Pontevedra, La Voz de Galicia.

--------------------

10.12.2015. A APDR advirte novamente do fraude na certificación forestal FSC .... A APDR aportou novamente probas en contra da certificación FSC ante a auditoria da empresa cerificadora Bureau Veritas realizou unha auditoría de seguimento, denunciando a certificación fraudulenta baixo estándares FSC de ENCE e advertir ao consumidor do fraude que se comete cos produtos con selo FSC, un fraude que está a darse en plantacións certificadas en todo o mundo e que vén sendo denunciado por organizacións de defensa ambiental. Lonxe de recoñecer unha xestión forestal sostible, o selo FSC ampara hoxe xestións como a que realiza ENCE, que favorece a destrución de solos e biodiversidade e impide o desenvolvemento dos diversos de usos e servizos que os nosos montes deben aportar. Un dano irreversible que está a afectar a boa parte de Galicia. Ver nota de prensa. Ver Diario Liberdade.

--------------------
02.12.2015. A coordinación galega da PECCEM, apoia o pioneiro programa de rescate cidadán ás persoas afectadas de Síndromes de natureza ambiental en Tarragona ....
... que da visibilidade e actúa ante a perigosa exclusión social das persoas afectadas apostando por un “diagnóstico e un censo” das persoas afectadas e un Protocolo de actuación cun catálogo de axudas económicas e domiciliarias específicas, incluíndo o acceso a vivendas sociais e espazos municipais brancos e verdes (libres de químicos tóxicos e de ondas electromagnéticas), a eliminación/limitación do uso de pesticidas no municipio, a formación específica dos traballadores socio-sanitarios, e medidas de adaptación laboral das persoas afectadas.....  Ver nota de prensa. Ver a proposta aprobada. Ver Rebelion, Kaos en la red, Directa.cat

--------------------
01.12.2015. UN ESTUDO SOBRE GRANDES INCENDIOS FORESTAIS CUESTIONA O MODELO FORESTAL DE €NC€ ....

... mostrando a necesidade de actuar contra os factores máis obvios como “as persoas ou condutas que están detrás da produción de incendios ou as circunstancias que fan a unhas determinadas masas forestais máis vulnerábeis que outras”, estando o modelo de monocultivo de eucalipto de €NC€ dentro do modelo máis vulnerábei. Dende a APDR apostamos pola naturalización masiva dos nosos montes, implantando unha política sostida no tempo de fomento das especies do xénero Quercus e frondosas autóctonas, especialmente nos espazos que foron e están sendo indebidamente repoboados” con especies alóctonas, como no caso de especies invasoras como o eucalipto ... Ver nota de prensa. Diario Liberdade.
--------------------
02.12.2015. A APDR participará en Bruxelas na reunión da comisión de medio ambiente do Parlamento Europeo que abordará a problemática da Ría ....
...  invitada por Lidia Senra, parlamentaria europea da AGE, para expoñer as nosas posicións sobre a necesidade de eliminar o complexo €NC€-ELNOSA, principal foco de contaminación da Ría, que o goberno do PP pretende consolidar en Lourizán mais aló do 2018 (vencemento da concesión administrativa). Ao tempo, preguntaremos pola situación da denuncia que presentamos en maio de 1999 diante da Dirección Xeral de Medio Ambiente da UE, esixíndo iniciativas europeas para conseguir a eliminación dos vertidos na Ría incluíndo aos vertidos de €NC€ e que deu lugar a apertura dun procedemento sancionador contra o Estado español....  Ver nota de prensa. Ver PontevedraViva.com, Faro de Vigo, Voz de Galicia, Cronica3.com.

--------------------

29-11.2015. Hoxe fume negro das chimeneas de ENCE ... Hoxe fume negro das chimeneas de ENCE en Lourizan. Que pasou? lembremos que o hermetismo informativo actual asemella a outros escapes e "problemas técnicos" como no pasado mes de agosto de 2013 cando os escapes afectaron á cidadanía en diferentes puntos de Pontevedra provocando irritacións de ollos, nariz e gorxa e problemas respiratorios. ENCE FÓRA DA RÍA. Ver 4 fotos desta mañá no facebook da APDR.
--------------------
24.11.2015. A APDR inicia unha campaña de apoio económico ....

... A Xunta Directiva da APDR vén de poñer en marcha unha campaña de recollida de fondos económicos para afrontar os gastos correspondentes á campaña conxunta que está levando a cabo baixo o lema “ENCE FÓRA DA RÍA PARA SEMPRE” xunto con distintas institucións (entre elas a Deputación de Pontevedra) e numerosos colectivos sociais da comarca, unha campaña que está a desenvolver unha importante tarefa de información baseada no reparto masivo do chamado “Libro branco de ENCE” que está a ter unha magnífica acollida entre a veciñanza. Para maior información, poden poñerse en contacto coa APDR ao través do correo electrónico apdr@apdr.info ou mediante contacto telefónico ao número 666621438  ... Ver nota de prensa.
--------------------
20 e 25-11.2015. A violencia dos traballadores de ENCE/ELNOSA sube de nivel: dous botóns de mostra:
... Persoas identificadas como traballadores de €NC€ ameazá-ronnos cando colocábamos bandeirolas da campaña conxunta “ENCE FÓRA DA RÍA PARA SEMPRE” empurrando a un membro da APDR que golpeou contra o chan. 5 días despois 2 persoas nunha furgoneta gris arrincaron de madrugada todas as bandeirolas de Marín e Estribela. Así continua a traxectoria de €NC€/LNOSA cunha cara amábel mentireira e mercadora de vontades e outra que anima a agresividade dos seus traballadores cara ás persoas que expresamos pacíficamente as nosas ideas contrarias da do complexo na Ría loitando pola recuperación do noso medio en beneficio da cidadanía e das persoas que teñen na explotación racional dos recursos o seu medio de vida..  Ver nota de prensa e facebook.

--------------------
06 e 12 de novembro/2015. Presentación da campaña ENCE FÓRA DA RÍA PARA SEMPRE en Marín e en Bueu ...
Presentación da campaña “ENCE fóra para sempre” na que participan máis dunha trintena de organizacións do máis variado: organizacións políticas, asociacións ecoloxistas, asociacións de veciños, asociacións culturais… co obxectivo de informar da situación actual do complexo ENCE-Elnosa así como da propia campaña que ven de iniciarse. E para isto contaremos coa presenza de Antón Masa (APDR) e Juan Loureiro (Presidente da FAV Castelao de Pontevedra).... . Ver convocatorias dos actos de Marín e de Bueu

--------------------
04.11.2015. VERTIDO DE GASOIL NA PRAIA DE LOURIZÁN ....

... Desde a APDR denunciamos os vertidos observados hoxe sobre as 13h nunha zona que ten clara vocación marisqueira e/ou turística; esiximos que se clarifique este feito que constitúe causa de denuncia por delito ecolóxico, que se determinen os responsábeis, se apliquen as correspondentes sancións e se tomen as medidas necesarias para evitar que novos casos de vertido se volvan a producir, ... nuha zona sistematicamente castigada pola presenza de vertidos procedentes da depuradora de Os Praceres e do complexo industrial de Lourizán, dúas instalacións postas en cuestión no que á súa concesión se refire e pola incompatibilidade co importante banco marisqueiro da zona.  ... Ver nota de prensa.
--------------------
23-24-31.10.2015. ENCE FÓRA DA RÍA PARA SEMPRE: Administracións locais, formacións políticas e organizacións sociais de Pontevedra e comarca, contra a prórroga.
Grupos municipais e formacións políticas (BNG, PSdeG-PSOE, Podemos, Marea, Colectivo Nacionalista de Marín ....) converxen da man de asociacións veciñais, ecoloxistas, sociais, xuvenis, sindicais, nais e pais, profesionais,  comunidades de montes nunha campaña contra a permanencia do complexo de Ence en Lourizán e pola recuperación da ría de Pontevedra, que ten como obxectivo favorecer unha mobilización social capaz de frear a inminente decisión do Goberno do Estado e da Xunta (os dous do PP) de prorrogar a concesión de Ence en Lourizán por outros 50 anos, que poderían ser ata 60 coa actual Lei de Costas, antes das eleccións xerais do próximo 20 de decembro. Ver presentación aos axentes sociais no centro Cultural O Gorgullon e presentación aos medios na sede da Federación Castelao. Ver presentación do material divulgativo. Ver Web da campaña: http://www.encefora.gal/. Ver "O Libro Branco de ENCE".

--------------------
22.10.2015. A APDR SOLICITA Á XUNTA A PROHIBICIÓN DA PLANTACIÓN DO Eucaliptus nitens EN GALICIA....

... na liña da recente sentenza da Audiencia Nacional que fallaba desestimando un recurso de ENCE contra a prohibición de plantar Eucaliptus nitens nunha concesión de terreo de dominio público marítimo-terrestre outorgada á empresa en Navia. A prohibición quedaba establecida por Resolución do Ministerio de Agricultura, Alimentación e Medio Ambiente de 16 de abril de 2014, que exclue no “Pliego de Condiciones Particulares y Prescripciones” expresamente " a plantación de Eucalyptus nitens dentro da superficie de dominio público outorgada en concesión”. ... Ver nota de prensa. Ver sentenza da Audiencia Nacional. Ver Informe do Comité científico do Ministerio de Agricultura. Ver mentiras de ENCE. Ver nota de presa da Alianza Rural Galega. Ver Faro de Vigo,
--------------------
Sábado 17.10.2015. Colocamos pósits contra a publicidade de ENCE na Peregrina
Mentre o director de ENCE-Pontevedra segue ameazando a cidadanía de Pontevedra e comarca para conseguir a prórroga inmediata da súa concesión; co falso argumento da imposibilidade do traslado e a chantaxe das supostas novas inversións que se perderian e que en 50 anos non fixeron; dende ás 12:00 horas, a APDR estivemos cunha mesa na Peregrina, diante do local que ocupou Barros  e que agora "luce" a mentireira propaganda de ENCE:  a xente participou activamente escribindo e colando pósits con frases contra ENCE, asinando contra a prórroga a ENCE/ELNOSA e recollendo cartaces para colocar nas fiestras con lema ENCE FÓRA!. Ver as fotos da actividade no faceboock da APDR. Ver PontevedraViva.com.


--------------------
14.10.2015. VOLKSWAGEN e ENCE: tan lonxe e tan perto ......
..... Salvando as evidentes distancias, moi particularmente no que fai aos postos de traballo, inversións e incidencia no PIB que xeran unha e outra –aspectos nos que a balanza inclínase de forma aplastantemente favorábel á fábrica de automóbiles- teñen a VolksWagen e ENCE certas similitudes: ambas as dúas utilizan a fraude no control das emisións; no primeiro caso o dos seus automóbiles e cun método máis ou menos sofisticado (alterando o software dos seus prototipos), e mediante artimañas no xeito de expresar os resultados dos seus vertidos á Ría no caso de ENCE, un método moito máis groseiro que consiste en expresalos só como carga contaminante (en Kg/día) e non en mg/L como esixe a lexislación... Ver nota de prensa Ver PontevedraViva.com.

--------------------
06.10.10.2015. Wi-Fi nas aulas? Internet só por cable. Charla-coloquio en Portonovo ....

A APDR presentou en Sanxenxo a campaña “escola saudábel internet so por cable” coa asistencia de nais e pais e docentes, dentro dunhas xornadas da Área de participación e medio ambiente de Podemos. Esta campaña foi iniciada no 2011 co apoio da Federación Ecoloxista Galega, na liña de aplicar xa as liñas proteccionistas da Resolución 1815/2011 da Asemblea Parlamentaria do Consello de Europa, reivindicadas entre outros polo Colexio Xeral de Biólogos de Galicia en 2012. Ver cartaz. campaña "escola saudábel, internet só por cable". Ver Resolución 1815/2011 da Asemblea Parlamentaria do Consello de Europa. Ver Chamamento do Colexio oficial de Biólogos de Galicia (2012).
 
--------------------
Sábado 03.10.2015: A APDR deu de novo a voz ás estatuas de Pontevedra como rebelión da cidadanía contra á chantaxe de prorroga a ENCE/ELNOSA máis aló do 2018 ...
... que impediría definitivamente a recuperación da Ría de Pontevedra, das nosas praias, da calidade de vida e da economía da comarca baseada nunha explotación racional dos recursos naturais e do turismo, unha economía sustentábel no tempo e incompatible coa presenza deste complexo na Ría. Aspiración da inmensa maioría da cidadanía, plasmada no recente encontro entre administracións locais, ecoloxistas, asociacións veciñais e de comunidades de montes. Mentres as promesas e mentiras compradas presentan a ENCE como a solución á economía, as estatuas de Pontevedra recórdannos coa súa mensaxe que ENCE provocou o paro de forma directa, indirecta e inducida: a destrución de emprego no complexo é evidente e así o confirman as denuncias sindicais, como é evidente a destrución do medio, dos recursos e o emprego nos sectores ligados ao turismo, ao mar e ao monte; e ninguén pode negar que todos estes sectores poderían ter un desenvolvemento racional quen de sacar á comarca da crise económica se –dunha vez por todas- se lle sacara o freo que supón a presenza do complexo en Lourizán. Ver fotos en facebook. Ver PontevedraViva.com, Sermos Galiza,


Fotos APDR
--------------------
01.10.10.2015. Administracións locais, veciñanza, ecoloxistas, comunidades de montes artellan o rexeitamento á continuidade de ENCE/ELNOSA ....

... concellos de Pontevedra, Poio e Bueu -o alcalde de Sanxenxo escusou a súa ausencia por estar en Madrid-, a Deputación de Pontevedra, a Mancomunidade de Montes de Pontevedra, as federacións veciñais Castelao e Teucro ou as asociacións ecoloxistas APDR, Vaipolorío e Adega, por unha ofensiva social para evitar a consolidación do complexo industrial de Lourizán máis aló de 2018. Coinciden na elaboración dun "libro branco" que recolla os proles e os contras de contar con ENCE na ría e os aspectos "positivos ou negativos" de recuperar a ría para usos marisqueiros e turísticos "para ter toda a información máis directa e fácil de entender". Neste sentido, prevense organizar mesas redondas e charlas, repartir carteis e merchandising ou contar con intervencións de artistas plásticos e culturais que "visualizarán a ría sen ENCE". Ver PontevedraViva.com, La Voz de Galicia,

Noticias 2015
: 1 - 2 - 3 - 4

NOTICIAS DE ANOS ANTERIORES >>