NOTICIAS 2016: páxina  2 de 2

  Demasiados eucaliptos! Reducir as plantacións e limitalas a determinadas zonas.
  Asina a petición  
 Salvemos a Fracha!
  Asina a petición 
  Impidamos a prórroga de ENCE en Lourizán!
  Asina a petición (
reiniciada en marzo de 2016).
--------------------
Domingo 2 de setembro/2016: IX LIMPEZA SIMULTÁNEA DE RÍOS. En Pontevedra ás 10:00h diante da estación de autobuses para limpar o río Gafos...
Desde a APDR invitámosvos a participar na IX LIMPEZA SIMULTÁNEA DE RÍOS DO PROXECTO RÍOS (http://limpeza.proxectorios.org/) para limpar o tramo do Río dos GAFOS na súa zona urbana. A coordinación da limpeza en Pontevedra está a cargo da Asociación JUÁN XXIII e VAIPOLORÍO: Susana López (Asociación Juán XXIII) 636050654, e Ramón Laxe (Vaipolorío) 616610913. Os/as voluntarios/as serán agasallados cunhas camisolas co lema da limpeza. Actualizouse a páxina web para a limpeza onde se especifica que é a limpeza, onde se celebrará, os contactos dos/das coordenadores/as, e as entidades participantes, financiadoras e colaboradoras. Ver sitio web do Proxecto Rios. Ver Pontevedra Viva.

--------------------
Venres 30.09.16. Concentración ás 20,30 na  Audiencia Nacional fronte a sede do PP: ELNOSA fóra da Ría ! Non máis corrupción ambiental ! ...
Na liña da defensa do beneficio propio e o dos seus amigos, a Xunta de Galicia concedeu unha prórroga dun ano á electroquímica ELNOSA permitídoa seguir fabricando cloro, sosa e derivados en Lourizán ata finais 2017. Complétase o proceso de corrupción ambiental que o PP ten iniciado hai xa moitos anos coa concesión de prebendas ás fábricas do complexo ENCE-ELNOSA e que podan retrasar “sine die” o peche definitivo da actividade industrial da cloreira na Ría: non só é ilegal por non ter cumprido os prazos fixados pola UE para abandonar o uso do mercurio na produción do cloro e a sosa, senón que é altamente perigosa para a Ría, a saúde e as vidas da cidadanía da comarca. ELNOSA é unha bomba de reloxería ás portas da comarca de Pontevedra, da Ría, unha bomba que en calquera momento pode provocar un desastre de magnitude incalculábel.... Ver nota completa. Ver convocatoria de concentración. Ver Diario de Pontevedra, Galicia confidencial, La Región, PontevedraViva (1, 2 e 3), La Voz de Galicia. Ver foto de Mónica Patxot en PontevedraViva, de R. Leira na Voz de Galicia, e de R. Vazquez en Faro de Vigo.
--------------------
06.09.2016. A APDR diante do día mundial contra os monocultivos de árbores
Na APDR vemos con extrema preocupación a expansión dos monocultivos en Galicia e consideramos necesario un cambio orientado á defensa do Medio Rural que garanta a súa sustentabilidade futura. Hai que frear a ocupación de terras agrarias por monocultivos de eucalipto e recuperar as xa ocupadas para garantir a produción de alimentos e a conservación da actividade agrícola e gandeira, terminar cos monocultivos de eucalipto en espazos protexidos e frear a expansión destas especies invasoras e produtoras de combustible que favorecen a expansión dos incendios forestais. Hai que prohibir as plantacións de Eucaliptus nitens, na APDR denunciaremos calquera plantación nova desta especie; e mobilizarémonos contra a proliferación dos cultivos enerxéticos priorizando o uso da biomasa para restituír a materia orgánica e os nutrientes ao solo, así como a compostaxe.  .... Ver nota completa da APDR, Ver nota de Ecoloxistas en Acción,
--------------------
05.09.2016. Entrega de alegacións contra o R.D. do PP por unha xestión centralizadora do  espazo marítimo que favorece a súa privatización ...
A APDR participou xunto a confrarías, produtores de mexillón, mariscadoras, plataformas en defensa das rías e as federacións do mar de CC.OO., CIG, e UXT, nunha entrega na Sub-delegación do goberno en Pontevedrade sinaturas con alegacións contra o "Borrador de R.D. do Marco para a Ordenación do Espazo Marítimo" (aprobado por un governo de Madrid en funcións cunha exposición pública no período vacacional) que centraliza a capacidade do Estado de definir o espazo marítimo galego, invadindo competencias do Estatuto e cita expresamente como competencia propia do Goberno central a acuicultura, ten xerado a alarma entre as organizacións do sector do mar, que vemos con desconfianza un novo intento de introducir a piscicultura nas nosas costas. Ver alegacións. Ver vídeo. Ver PontevedraViva, Galicia Confidencial, Sermos Galicia,             

--------------------
12.09.16: Ante as eleccións do 25-S: Non votes Ence-Elnosa, non votes PP. Bótaos! ...
A APDR, como asociación ecoloxista, ten sobradas razóns para chamar a desaloxar ao PP da Xunta. O PP sitúase como un partido favorábel á destrución do territorio e do ambiente (dos nosos recursos para o futuro), e como un partido que apodrece a democracia ao servizo das grandes empresas e dos seus amigos nos consellos de administración destas, portas xiratorias mediante. É o momento de botalos, antes de que podan facer máis dano. Necesitamos, xa, recuperar as competencias perdidas para impedir a prórroga a Ence cun control rigoroso público e directo dos seus vertidos, impidir a continuidade de Elnosa en Lourizán, apostar por unha política alternativa para o rural e o monte rexeitando os novos proxectos de macroplantas de biomasa de Ence.... Ver nota completa.
--------------------
09.09.2016. Xa pode verse en liña o documental "ENCE: 60 anos máis?" ...
Despois de estrearse en Pontevedra, Marín e diferentes localidades galegas, xa pode verse en liña este documental elaborado por Galiza Contrainfo onde se recollen as voces de persoas que levan anos defendendo a ría e loitando por sacar o complexo industrial Ence-Elnosa. A implantación de Ence na ría fíxose no medio de protestas desafiando á ditadura franquista, hoxe un goberno do PP en funcións prorroga a permanencia desta industria 60 anos máis. Con esta medida legalmente discutíbel e eticamente inaceptábel, o goberno do estado supeditaba a saúde, o medio ambiente e o sector pesqueiro da ría ao intereses dunha empresa privada que conta cun consello de administración cheo de altos cargos do PP.



Galiza Contrainfo, iniciativa independente, non comercial e autoxerida de contra-información audiovisual galega, que xorde da necesidade de difundir os seus traballos, máis tamén coa intención de construír un espazo que serva para darlle visibilidade á produción audiovisual de comunicación alternativa que se desenvolve na Galiza.
--------------------
06.09.2016. Recoñécese a electrosensibilidade como causa de incapacidade para traballar pero consolídanse, por real decreto, os altos niveis laborais de electropolución...
O Tribunal Superior de Xustiza de Madrid (TSJM) recoñeceu recentemente a un enxeñeiro de telecomunicacións da multinacional Ericsson unha incapacidade permanente total para traballar en entornas de contaminación electromagnética, sentenza exemplar no Estado Español que deixa en evidencia a ausencia de Zonas Brancas e a existencia duns límites de exposición desfasados que non teñen en conta os bioefectos recollidos pola biografía médica, en contradición coas alertas da Axencia Europea do Medio Ambiente, as Resolucións do Parlamento Europeo  e da Asemblea Parlamentar do Consello de Europa, así como co Ditame da Sección TEN do Comité Económico e Social Europeo do 2015 e a aposta de entidades autonómicas e municipais .... Ver nota da APDR/PECCEM, Ver Diario Liberdade, Federación Ecoloxista Galega.
--------------------
30.08.16: Convocatoría de Limpeza do Río Gafos

Este martes 30, a APDR co-participou xunto con Greenpeace nunha xornada de sensibilización ambiental sobre a polución das mares, as praias, as ría e os ríos. A proposta de Greenpeace desenvolvimos esta xornada cunha recollida de lixo nun tramo urbán do Rio Gafos. A abundante recollida en só 350 metros fainos recoñecer públicamente unha vez máis o gran traballo que desenvolve VAI POLO RÍO ano tras ano na loita pola conservación deste río e a súa contorna e fainos reflexionar sobre a necesidade de apoiar activamente as súas campañas...". Ver Galería de fotos.

--------------------
24.Agosto.2016. Presentación do "Compromiso  por  un  Mundo  Rural  Galego  Vivo" na sede da APDR ...
... Comézase por imposibilitar que a xente poda vivir do seu traballo, mediante a imposición de prezos ridículos e obstruíndo toda posíbel alternativa, para logo lle ofrecer como a mellor saída o abandono e o monocultivo forestal de crecemento rápido nas terras agrarias abandonadas. O elevado grao de envellecemento, o abandono e desertización do rural galego, a perda de diversidade biolóxica, os riscos de incendios de grandes dimensións e o mais importante a perda de dinamismo social e económico das zonas afectadas por este fenómeno ...   As organizacións asinantes solicitamos ás forzas políticas e coaligazóns que se presentan ao Parlamento Galego, un compromiso con outra política agro-gandeira, medioambiental, de montes, e de combate aos lumes forestais. Ver o Compromiso por un mundo rural galego vivo. Ver SermosGaliza,   PontevedraViva, Galiciapress, La Voz de Galiciaeuropapress, Diario de Pontevedra,
--------------------

--------------------
18.08.16: Convocatoria de urxencia: Concentración contra os incendios forestais: Lumes Nunca Máis! na Peregrina ás 20,30h ...
Iván Pérez (presidente da Mancomunidade de montes de Pontevedra e brigadista de incendios) e Josafat Puente, presidente do comité de empresa de SEAGA, aproximáronnos á problematica vivida dende @s comuneir@s e @s traballador@s  que exercen a súa actividade dende condicións de precariedade. Posteriormente Anxo Torres leu o manifesto da APDR, no que entre otras cousas falouse da situación estrutural (abandono case secular do rural e falta dunha política forestal axeitada), cun modelo baseado na implantación dun monocultivo de eucaliptos (impedindo a diversidade de usos e proliferando material altamente combustíbel) para alimentar de madeira á noxenta fábrica de ENCE en Lourizán, fábrica ilegal protexida polo PP en contra da vontade da inmensa maioría social da comarca ...". Ver manifesto completo.
- Ver nota de prensa. Ver Cartaz, Ver manifesto da APDR lido na convocatoria de urxencia.
- Ver información previa nos medios de comunicación: Galicia Confidencial (1 e 2), El Ideal Gallego, Diario de Pontevedra, Galicia Press (1  e 2), PontevedraViva, Faro de Vigo, SermosGalizaNoticia Vigo, europapress (1 e 2), Correo Gallego.
- Ver información da convocatoria de urxencia nos medios: Voz de Galicia, Faro de Vigo, Galicia confidencial, Galiciae.comPontevedraVivaGaliciapress, Sermos Galiza, NoticiasVigo.es,
- Ver Galerias de fotos (Pontevedra Viva, Faro de Vigo, Rubens Rocha)  e Vídeos (1, 2). Ver unha iniciativa de recollida de sinaturas.

--------------------
13.08.2016. Manifestación antitouradas: NIN CONVENIO NIN TOURADAS!! ...
Este ano unha vez máis participamos na manifestación de Touradas Fóra de Pontevedra, convocada con lema NIN CONVENIO NIN TOURADAS. Nesta campaña persoas do mundo da cultura e o ensino asinaron o manifesto do colectivo e 116 entidades do ámbito social deron o seu apoio a súas reivindicacións. Antes de que a atriz Maika Braña dera leitura ao comunicado final, denunciáronse a vaga de incendios que sofremos nos últimos dias e todos os anos, exisindo  medidas profundas e reais para conseguir evitalos e anunciando a vindeira convocatoria da APDR do xoves 18. Ver Video de GzVideos. Ver Faro de Vigo, PontevedraViva.com, Diario de Pontevedra, 20minutos, Lasexta, sermos Galiza, Galizaconfidencial.

--------------------

30.07.2016.  Pacto ambiental ou conivencia institucional?

O novo “pacto ambiental” entre ENCE e a Xunta –en palabras do “consejero delegado” de ENCE, Sr. Colmenares- vai supor unha inversión duns 200 millóns de euros en 60 anos, 180 deles destinados a actuacións sociais, 15 á “nova depuradora” de Os Praceres, e 5 para arranxar o Pazo de Lourizán. “Pacto ambiental” ?: se algo evidencia este pacto é a inexistencia de esixencias de control de vertidos e emisións atmosféricas á empresa, un aspecto que a Xunta de Galicia tiña que ter posto sobre a mesa. Trátase, en realidade, dun acto propagandístico de ENCE que persigue xustificar a súa permanencia en Lourizán máis aló do 2018 e que conta coa complicidade submisa do Goberno galego, que comparte coa fábrica intereses económicos e familiares ... Ver nota de prensa. Ver PontevedraViva.com.
--------------------

Martes 19.07.16.
ESTREA DO DOCUMENTAL: "ENCE 60 ANOS MÁIS" ás 20,30h no Salón de actos do Arquivo da Deputación Provincial de Pontevedra na Rúa Padre Amoedo 1 (edificio que fai esquina cona rúa Sarmiento) ...

Desde a APDR agradecemos ás numerosas persoas que encheron o salón de actos do Arquivo da Deputación na estrea desta reportaxe documental. Documental  de 36 minutos de duración, editado por GALIZA CONTRAINFO, coa colaboración de distintas persoas vencelladas ao noso colectivo que ofrece unha visión absolutamente crítica coa decisión do goberno en funcións do PP de prorrogar a concesión de ENCE na Ría por outros 60 anos.
A proxección foi presentada por ZÉLIA GARCÍA, fotoxornalista de GALIZA CONTRAINFO (iniciativa independente, non comercial e autoxerida de contra-información audiovisual galega)
. Ver nota de prensa. Ver PontevedraViva, Faro de Vigo 1 e 2. Ver galeria de fotos.


--------------------
08.07.2016. Queremos Galego Marín premia co "lingua de ouro colectivo" á APDR ...
VII edición dos Premios Lingua recoñecendo a labor de normalización do noso idioma, cultura e medio e dar un pequeno tirón de orellas a quen a ignora ou despreza.
Premio Lingua de Ouro individual: a Lara Dopazo Ruibal, novo valor da literatura galega, gañadora de varios premios • Premio Lingua de Ouro colectivo: a APDR na súa traxectoria insubornábel na defensa da ría, en contra a presenza nela de Ence-Elnosa; e polo seu emprego do galego como lingua de traballo e comunicación, creando e mantendo ademais un espazo social que favorece o seu uso. • Premio Lingua de Trapo aos 2 curas de Marín, J. A. Pedrosa e Fdo. Chacón, que se negaron a realizar unha misa en galego na honra do pai paul Francisco Carballo, firme defensor do galego falecido hai 2 anos.
Ver: Xornal Galicia.com, Faro de Vigo, PontevedraViva.com. Ver albúm de fotos e presentación da xornada.
Membros da APDR co premio
--------------------
13.06.2016. A APDR rexeita participar con ENCE nunha mesa polo saneamento da Ría ...
Temos recibido unha invitación da empresa ENCE para que o noso colectivo participe nun suposto espazo de encontro permanente co obxectivo de sumar esforzos para a recuperación da calidade das augas da nosa Ría, unha proposta que non dubidamos en enmarcar na actual campaña publicitaria coa que a empresa pasteira pretende lavar a súa má imaxe entre a poboación da comarca. En primeiro lugar, parécenos pretensioso que os directivos de ENCE se arroguen unha autoridade da que carecen; porque, que lexitimidade teñen para convocar unha mesa para o saneamento da Ría quen contribúen de forma decisiva á súa destrución? ENCE é  parte fundamental do problema e nunca da solución! A responsabilidade neste terreo correspóndelle ás administracións, e ENCE –por máis que a conivencia co PP e mesmo as relacións político familiares con distintos cargos da Xunta de Galicia puideran facer pensar noutra cousa- non está lexitimada para xogar este papel ... Ver resposta da APDR ao convite de ENCE. Ver resposta de Vai polo Rio ao convite de ENCE. Ver PontevedraViva.com, Praza Pública, Diario de Pontevedra, FEG.

--------------------



Sábado 04.06.2016:
Móvete pola Ría. Organiza: Plataforma encefora.gal e a Federación Ecoloxista Galega
  • ENCE fóra da Ría para sempre !
  • Polo saneamento integral da Ría
  • !Non á eucaliptización !

Ver cartaz e folleto.

Ver galeria de fotos y vídeo da marcha (GZ)

Ver audio e texto do manifesto lido por Calros Solla.

Ver prensa: 1, 2, 3, 4, 5, , 6, 7, 8, 9, 10, 11,

--------------------
Sábado 04.06.2016. Fronte ás contínuas chantaxes de Ence ...

... lonxe de mellorar os seus niveis de vertido, ENCE opta –mais unha vez- polo camiño da chantaxe e do compra de estómagos agradecidos, un camiño que lle leva a ofertar un barco ás Confrarías a cambio de que muden a súa posición contraria á presenza de ENCE na Ría. Barcos a cambio de contaminación e deterioramento ambiental, económico e da calidade de vida e saúde da cidadanía; a cambio do silencio e do apoio incondicional ápermanencia de ENCE na Ría... Por iso, hoxe mais que nunca, é fundamental revogar esta prórroga como o é conseguir que o saneamento integral da Ría chegue a bo porto, un obxectivo que pasa por intensificar a mobilización social. ... Ver PontevedraViva.com.
--------------------
A C T I V I D A D E S  DA APDR e a Plataforma ENCEFORA.gal en MAIO-2016:

- Sábado 28 ás 18h na Alameda de Marín: Festa móvete pola Ría. Ver cartaz.

- Venres 27 ás 20:00h no IES Valle Inclán de Pontevedra:
Charla-coloquio sobre a PRÓRROGA DE ENCE: Implicacións no saneamento da ría e no monte galego con Andrés Ruano (Plataforma para o Saneamento da Ría), Fins Eirexas (secretario executivo de ADEGA, membro da Federación Ecoloxista Galega -FEG-) e Antón Masa (APDR).
Ver cartaz. Ver fotos.

- Martes 24 ás 20:00h na Biblioteca de Marín: Charla-coloquio 
con Antón Masa e Alba Nogueira. Ver Cartaz Ver Morrazoaldia.com.

- Sábado 21: FESTA/CONCERTO da APDR no Liceo Mutante (R/ Rosalia de Castro nº100). Por unha banda teremos a Piter, Ralph & Tery (trio formado por membros de Debuxos Reanimados que ven deleitarnos con toda a súa retranca e imaxinación) e por outra a ENKI (Groove metal). Ver evento.

- Venres 20: CEA ANUAL DA APDR no Pazo da Cultura de Pontevedra: Ver fotos

- Martes 10: ASEMBLEA XERAL ORDINARIA DA APDR
na nosa sede
--------------------
02.05.2016. A APDR resposta á conselleira Mato ...
"Aínda que estamos afeitos a cousas sorprendentes no permanente culebrón das relacións de conivencia Xunta-ENCE, non damos creto ás súas pomposas declaracións acerca dun suposto Pacto ambiental entre a Xunta de Galicia e a empresa pasteira de Lourizán. Porque das súas declaracións dedúcese que ese “pacto” nada ten que ver con melloras ambientais na fábrica de pasta de papel. En efecto, Sra. Mato, nin a rehabilitación do Pazo de Lourizán (do que ENCE vai tirar evidentes beneficios), nin instalar un campo de fútbol (por certo, unha das obrigas de ENCE con Costas como consecuencia do expediente de caducidade parcial da súa concesión) son medidas medio ambientais agás que considere Vde. ...." Ver nota completa. Ver PontevedraViva, Faro de Vigo
--------------------
Venres 29.04.2016. Dende a Plataforma Ence fóra da ría para sempre e a Federación Ecoloxista Galega chamamos aos concellos á mobilización contra ENCE do 4 de xuño ...

Foto: Mónica Patxot en PontevedraViva.com
Unha decena de persoas en representación da Plataforma Ence fóra para sempre e da Federación Ecoloxista Galega (FEG) entregamos unha petición aos concellos de Pontevedra e comarca para que debatan e aproben unha moción de apoio á mobilización do 4 de xuño (véspera do día mundial polo medio ambiente) desde as alamedas de Marín e Pontevedra ata a factoría de Ence, rematando nunha festa na Praza de Praceres, solicitando a anulación da prórroga de 60 anos máis a ENCE en Lourizan, o saneamento integral da ría e parar o proceso de eucalitización dos montes galegos. En defensa da calidade de vida e saúde das persoas e dun modelo económico sustentábel para a ría e o monte galego, ". Ver petición aos concellos. Escoitar audio da entrega. Ver galería de fotos da entrega. Ver Pontevedra Viva.com.
--------------------
28.03.2016. Ence non é a solución ... é parte do problema ...
"Resulta absolutamente indignante ver como o Sr. Casal, Director da fábrica de ENCE en Pontevedra, utiliza a demagoxia para tratar de minimizar a evidente responsabilidade da pasteira na contaminación da Ría e na destrución dos recursos naturais e dos postos de traballo nos sectores da pesca e o marisqueo; unha responsabilidade que vén de antigo pero que segue a ser realidade no momento actual. Porque o Sr. Casal falsea a realidade cando afirma con absoluta rotundidade que é a contaminación fecal a única que ten provocado a situación actual no que ao traballo da xente que vive do mar; e fai unha lectura interesada da recente sentenza da Sala sexta do Tribunal de Xustiza da U.E. cando di que a sentenza sinala como único problema da contaminación ás “augas fecais domiciliarias” ....". Ver nota completa. Ver PontevedraViva, Faro de Vigo.

--------------------
14.04.2016. Elnosa, unha empresa irresponsábel. Fóra da ría xa! ...
"... Parece que algún xenio da comunicación e publicidade corporativas chegou á curiosa conclusión de que a veciñanza dos concellos da Ría é un tanto ignorante e descoñece os usos que o cloro ten, e quizá deduciu desa precipitada conclusión que esta ignorancia é a causa do rexeitamento á presenza de Elnosa en Lourizán. Na APDR consideramos que Elnosa erra o tiro, as veciñas e veciños de Pontevedra, de Marín, de Poio... sabemos de sobra para que se usa o cloro. Mais non seremos nós quen aconsellemos unha empresa tan nociva e perigosa para o entorno no que a ditadura sitúoa...Dá a impresión de que Elnosa quere imitar as artimañas da súa irmá máis grande, Ence, e tenta un lavado de cerebro colectivo a base de diñeiro nos medios de comunicación. É unha pena que estes esforzos non vaian encamiñados a buscar unha solución ao erro que supón ter esta quimiqueira no corazón da Ría de Pontevedra ....". Ver Nota de prensa. Ver Diario liberdade.

--------------------

15.04.2016. A APDR valora positivamente a decisión do Congreso de revogar a prórroga a ENCE ...
... na Comisión de Agricultura e Medio Ambiente do Congreso o pasado día 6 de abril", instando ao Goberno a anulala, respostando á posición da maioría social na comarca pontevedresa reflectida na magnitude da mobilización social expresada o día 29 de xaneiro na nosa vila e coa política de sensibilización desenvolvida ao longo dos anos desde a APDR e outros colectivos sociais que vimos loitando pola desaparición do complexo ENCE-ELNOSA do seu actual emprazamento, traballo que nos permitiu manter permanentes contactos coas forzas progresistas que nesta ocasión teñen presentado a antedita iniciativa, non sendo casual a presenza da APDR no acto de presentación da iniciativa ... Ver nota de prensa. Ver noticias relacionadas coa presentación da proposición non de lei. Ver vídeo da sexta. Ver Faro de Vigo. Representantes de En marea e da APDR no Congreso dos Deputados
--------------------
28.03.2016. A APDR na semana semana galega de filosofía ...

"Agradecer en primeiro lugar á AULA CASTELAO DE FILOSOFÍA por darnos a oportunidade –máis unha vez- de expresar as nosas ideas neste importante foro, e máis nun momento no que certos medios de comunicación facendo boa a máxima de “quen paga, manda”, optan por silenciar a nosa voz en beneficio dos intereses de ENCE. Nun momento no que o Partido Popular, dando mostras do seu desprezo pola cidadanía da comarca pontevedresa, vén de protagonizar un dos capítulos máis escandalosos da xa longa historia do complexo industrial de Lourizán, unha decisión que non por agardada resulta menos dolorosa. Cun goberno en funcións e un presidente absolutamente desaparecido e derrotado, que sabe que non vai revalidar o seu cargo á fronte do executivo, atrévense a conceder unha prórroga a ENCE ....". Ver Comunicado lido na XXXIII semana da filosofía. Ver Faro de Vigo.  
--------------------
21.03.2016. A APDR responde a ENCE ...
"... Resulta insultante que desde a empresa que ten a maior responsabilidade na situación actual da Ría, unha empresa que foi condenada por delito ecolóxico continuado e que segue incumprindo boa parte da lexislación ambiental, se acuse de non ter feito nada por denunciar a situación a quen somos responsábeis de que desde a UE se teña iniciado o proceso que deu lugar á sentenza recentemente ditada contra o Reino de España e á que ENCE alude no seu comunicado; porque gústelle ou non a €NCE, fomos nós quen no ano 1999 puxemos a queixa diante da UE contra o Estado español polo incumprimento da Directiva 91/271/CEE; e foi a Xunta de Galicia quen intentou torpedeala en multitude de ocasións ..." Ver nota de prensa. Ver Pontevedra Viva, Faro de Vigo.
--------------------
19.03.2016.  Resposta á patroa maior da confraría de Lourizán ...

"Vimos de ler a extensa colaboración que baixo o título “APDR e as mariscadoras” publica. Vde. no xornal Faro de Vigo hoxe 18 de marzo e na que verte certas acusacións ...., acusacións coas que, por forza, non podemos concordar por entender que faltan á verdade... E está ben que lembre, Sra. Vázquez, ás mariscadoras que nos anos 50 loitaron contra a instalación da CELULOSA e o papel xogado pola maioría das xentes da cidade. A pesares de ter chegado a Pontevedra nos anos setenta, coñezo, aplaudo e admiro esa loita que –por certo- está aínda por recoñecer publicamente como se merece. Por desgraza, as tornas teñen mudado e hoxe –nun escenario ben distinto- bótase en falta aquela valentía do sector na defensa dos seus intereses fronte á hipoteca do seu futuro en forma de prórroga. Ver nota de prensa.
--------------------
25.02.2016. Sectores relacionados co monte e co medio rural entregan á Xunta propostas alternativas as directrices do Plano forestal galego ...
... ADEGA, Amigos da Terra, APDR, APROPIGA, CIG, Comité en Defensa do Monte Galego, Federación Ecoloxista Galega, FRUGA, ORGACCMM, OVICA, SLG, SOS Coello de Monte, UNITEGA consideran que estas diectrices non representativas (nen democráticas, nen consensuadas cos sectores relacionados do monte e o medio rural) atacan aos montes veciñais e agrede aos ecosistemas e á poboación que vive neles; eliminan o carácter das titularidades veciñais privatizando a súa xestión, apostan pola produción de madeira con pouco valor engadido, a biomasa forestal e os cultivos enerxéticos, e priorizan a produción forestalista favorecendo a degradación ambiental. Ver Xornal de Galicia, Galiciapress, noticiero galego, provincias.andalucesdiario.esSermos Galiza. Ver Valoración das directrices e o artigo "A biomasa non é unha enerxia renovábel".

Noticias 2016
: 1 - 2

NOTICIAS DE ANOS ANTERIORES >>