Dende a suspensión temporal decretada polo Concello de Pontevedra no 2001 á concesión de licenzas para a instalación das antenas de telefonía que se achegaban, ata a actualidade, atopámosnos hoxe cun sombrío panorama onde, salvo o casco antigo protexido polo PEPRICA, toda a cidade está (do mesmo xeito que o resto de Galiza) salpicada de antenas base e, no caso pontevedrés, afectando á maioría das Zonas Sensibéis (centros de ensino ou recreo, sanitarios, de maiores, ...), que estarían protexidas se se aplicase o Principio de Precaución como en diferentes ámbitos administrativos e científicos xa se está levando ou propoñendo sen cuestionar a propia telefonía móbil senón adecuándoa aos criterios de Protección da Saúde e non sometidas, como están, só aos intereses económicos das operadoras, presentes na ordenanza estatal.

24 DE XUÑO DE 2008: DÍA INTERNACIONAL CONTRA A CONTAMINACIÓN ELECTROMAGNÉTICA: PRESENTACIÓN PÚBLICA E XUNTANZA DE COLECTIVOS SOCIAIS DA PROVINCIA DE PONTEVEDRA IMPLICADOS.
Con motivo do día internacional da contaminación electromagnética o martes 24 de xuño de 2008 presentouse públicamente en Pontevedra un Manifesto contra a contaminación electromagnética impulsada por 16 asociacións da provincia de Pontevedra (asociacións de veciños, de nais e pais, ecoloxistas e colectivos de afectados); todos eles implicados na defensa do medio contra a contaminación pola exposición a radiacións de hiperfrecuencias (como a exposición ás antenas de telefonía móbil) ou de radiacións de baixas frecuencias (subestacións eléctrica, transformadores). XUNTANZA: tras valorar a situación actual apróbase unha permante cun coordinador de cada poboación presente (Cangas, Moaña, Moraña, Pontevedra, Redondela e Vigo) como meta, despois do verán, de organizar unha xornada como xestación dunha Plataforma pontevedresa contra a contaminación electromagnética desde onde afrontar a extensión da coordinación no campo informativo e de acción a outros grupos, dando soporte no ámbito formativo-xurídico creando unha rede de apoio no campo sanitario.Ver nota de prensa 22.06.08, Ver Manifesto de Pontevedra asinado inicialmente por 16 asociacións, Ver Prensa Pontevedra

Ver Faro de Vigo 25.06.08

19.06.08: O COLECTIVO DE PERSOAS AFECTADAS POLA ANTENA DE TELEFONÍA MOBIL DA RÚA JOSÉ CASAL Nº 10 (edicicio de Telefónica) DEMANDAN AO CONCELLO DE PONTEVEDRA: INFORMACIÓN, REGULAMENTO MUNICIPIAL CO CESE CAUTELAR, E UNHA REUNIÓN COS CONCELLEIR@S RESPONSÁBEIS.
O 19 de xuño, Isolina Penas Blanco, en representación de 48 veciñas e veciños, como colectivo de afectados pola antena de telefonía móbil da rúa José Casal, entregou unha solicitude ao Concello de Pontevedra. Ver: Nota de Prensa 19.06.08 Ver: Solicitude ao Concello de Pontevedra

16.06.08. O COLECTIVO DE AFECTADOS POLAS ANTENAS DE TELEFONÍA MOBIL DA RÚA AS BARXAS EN MOAÑA CHAMA A REUNIRSE COS CONCELLEIROS.
... E lles invitan a apoiar a retirada das antenas de telefonía móbil das zonas residenciais aplicando o principio de precaución. Ver Nota de prensa 16.06.08. Ver Petición entregada no Concello

SÁBADO 31.05.08: CHARLA-COLOQUIO SOBRE TELECOMUNICACIÓNS, CAMPOS ELECTROMAGNÉTICOS E SAÚDE NO CENTRO SOCIAL DE VALADARES (VIGO)
A Comunidade de Montes Veciñais en Man Común de Valadares na defensa dun proxecto de crear un centro de telecomunicacións en Monte Cepudo (que poda incluir unha antena de telefonía móbil instalada nunha zona residencial), celebroú este Sábado 31 unha charla coloquio con Xulio Fernández Hermida (profesor do Dpto. de Teoría da sinal e comunicacións da E.T.S.E. Telecomunicación de Vigo) e Xulio Carmona da APDR. O primeiro relator introduciu á situación actual creada pola expansión dunha tecnoloxía de microndas pulsadas cos cambios e riscos potenciais que pode conlevar, introducíndonos en como disminuir a exposición a ditas radiacións no uso do teléfono móbil, e preguntándose se social ou individualmente a xente estaria disposta a cambiar os seus hábitos. O segundo enmarcou a situación actual nos medios de comunicación, sanitarios e xurídicos; recollendo as chamadas ao Principio de Precaución que demanda unha regulación a exposición ás antenas base de telefonía móbil por debaixo das accións biolóxicas coñecidas e informando e educando nun uso racional do teléfono móbil.

VENRES 30.05.08: O COLECTIVO DE AFECTADOS POLA ELECTROCONTAMINACIÓN DE AS BARXAS EN MOAÑA ENTREGAN UN ESCRITO NO CONCELLO DEIXANDO CONSTANCIA DE QUE AS ANTENAS DE TELEFONÍA MÓBIL INCUMPREN O REGULAMENTO DE ACTIVIDADES MOLESTAS, INSALUBLES, NOCIVAS E PERIGOSAS.
Trala petición de información ao concello (o 4 de abril de 2008) avalados por máis de oitocentas sinaturas, recibiron abundante información da Concellería de Medio Ambiente de Moaña (o 5 demaio de 2008). Na mesma se manifesta que o edificio de Teléfonica da rúa de As Barxas concentra, a maiores da súas antenas (Movistar), antenas de outras compañías (Vodafone e Yoigo). Tras constrastar dita información cunha asesoría xurídica e coa APDR constátase a non concesión da Licenza de Actividade polo Concello (incumplendo o Regulamento de Actividades Molestas, Insalubres, Nocivas e Perigosas), situación que se fai constar vía rexistro municipal ao tempo que se chama ao conxunto dos grupos municipais para que se aplique o Principio de Precaución non concedendo dita Licenza para proceder a un peche cautelar das antenas e poder negociar unha localización que non afecte ás zonas residenciais. Ver: Nota de prensa de 30-05-08 e Notificación entregada ao concello de Moaña dito día, La Voz de Galicia do 31.05.08

06.05.08: COS VECIÑOS AFECTADOS POLA INSTALACIÓN DUNHA ANTENA DE TELEFONÍA MÓBIL NO SEU EDIFICIO NA RÚA ROSALÍA DE CASTRO NA SÚA DEMANDA AO CONCELLO DE PONTEVEDRA: INFORMACIÓN, DESMANTELAMENTO PREVENTIVO, E UNHA REUNIÓN URXENTE COS CONCELLEIR@S RESPONSÁBEIS.
Hoxe, 6 de maio de 2008, Jose Luis Vazquez Iglesias, en representación de 71 veciños e veciñas residentes no Edificio La Graña na rúa Rosalía de Castro 45-47 (fronte ao colexio de Salvador Moreno), presentou no rexistro xeral, como colectivo de afectados pola instalación dunha antena de telefonía móbil no Bloque nº 1 do mencionado Edificio, unha solicitude ao Concello de Pontevedra. Ver: Nota de Prensa 06.05.08 Ver: Solicitude ao Concello de Pontevedra

29.04.08: COS AFECTAD@S DE AS BARXAS: REUNÍÓN CO CONCELLEIRO DE MEDIO AMBIENTE DE MOAÑA
Os vecin@s de As Barxas e a APDR manifestaron a súa inquedanza ao concelleiro pola non demostración da inocuidade das ondas emitidas polas antenas base de telefonía móbil como a da torreta de Telefónica na Rúa Barxas nº 18 onde se da unha concentración importante de antenas (aumentadas con outras novas nos derrardeiros meses na mesma torreta) acrecentando a exposición á contaminación electromagnética nunha zona residencial xa afectada por un transformador (no edificio do Concello) e polas liñas de media tensión que lle subministran enerxía... reclamaron ao concelleiro a aplicación do Principio de Precaución coa retirada destes elementos contaminantes dunha zona residencial. Ver: Nota de Prensa 30.04.08 Ver: Diario de Pontevedra 01.05.08

CONTAMINACIÓN ELECTROMAGNÉTICA EN MORAÑA: COS AFECTAD@S DE SANTA LUCÍA, ACTO INFORMATIVO E ASEMBLEA
O sábado 29.03.08 os veciñ@s afectados de Santa Lucía de Moraña organizaron na Casa da Cultura un acto informativo presentado pola súa voceira Beatriz Diz coa participación de membros do movimento veciñal (Fini Manso da Federación de AA.VV. Roi Xordo de Ferrol) e do movimento ecoloxista (Xulio Carmona da APDR) que introduciron á situación actual científico-xurídico-legal e información sobre outros clusters. Beatriz informou sobre: a ilegalidade das 3 antenas base de telefonía móbil e do transformador (ausencia de licenza de actividade), a respota á documentación enviada por Sanidade (que non respondía ás demandas dos veciñ@s de facer un estudo epidemiolóxico: "só enviaron datos a nivel autonómico, provincial e de Moraña non extrapolables á situación de Santa Lucía"), e o coñecemento de novos casos como os 2 de cancro no CPI de Santa Lucía que se suman aos 4 xa detectados en devandito centro de ensino. Se acorda na asemblea: enviar unha nova petición a Sáude Pública -enviada o 04.04.08- (estudio epidemiolóxico e clausura cautelar das antenas e do transformador) e denunciar a situación de ilegalidade ante o concello, o valedor do pobo e o fiscal do medio ambente. No debate se expuxo aos concelleiros presentes a necesidade dun regulamento municipal que defenda o principio de precaución ante a contaminación electromagnética. Ver Notas de prensa: 27.03.08 e 04.04.08 , Ver: Diario de Pontevedra, Faro de Vigo e Voz de Galicia do 30.03.08. Ver Voz de Galicia 05.04.08. Ver peticións a D.X. Saúde Pública: 1ª Petición do 08.06.07, 2ª Petición do 04.04.08. Ver: Recopilación de noticias de prensa sobre conglomerados de cancro e outras patoxías graves no estado español vinculadas pola poboación a antenas de telefonóa móbil próximas nos anos 2006, 2007 e 2008.

CONTAMINACIÓN ELECTROMAGNÉTICA EN MOAÑA: COS AFECTAD@S DE AS BARXAS, ENTREGA DE SINATURAS.
O venres 04.04.08, Xosé Manuel Taboas Couso, en nome d@s veciñ@s afectad@s pola contaminación electromagnética de As Barxas (MOAÑA) entregou 832 sinaturas no rexistro xeral do Concello de Moaña, contra o conglomerado de contaminación electromagnética desta zona residencial en expansión: antenas base de telefonía móbil (recentemente ampliadas) da torreta do edificio de Telefónica e dun transformador ambas as dúas na Rúa Barxas, o que se suma as lindeiras liñas de media tensión. Con esta petición veciñal ademais de solicitar a confirmación da existencia das súas Licenzas Municipais preceptivas (incluída a Licenza de Actividade Clasificada por estar afectada polo “Regulamento de Actividades Molestas, Insalubres, Nocivas e Perigosas”) e do cumprimento xeral das normas urbanísticas, pídese o traslado das antenas de telefonía base e do transformador a un lugar fóra das zonas residenciais (compatibilizando deste xeito as novas tecnoloxías e a saúde) e un estudo periódico, independente e público sobre a afectación da contaminación electromagnética mentres execútase dito traslado. Ao mesmo tempo solicítase unha reunión co conselleiro de Medio Ambiente, Manuel Rodas, que xa manifestou ao colectivo de veciños a súa disposición a tratar de inmediato con eles a problemática legal e sanitaria presentada, reunión que por outra banda contará coa presenza do coordinador da “campaña polo uso racional da telefonía móbil” da Asociación Pola Defensa Da Ría (APDR). Ver: Nota de prensa do 04.04.08, Folla de sinaturas dos veciñ@s afectad@s. Ver: Faro de Vigo 13-03-08 e Vieiros 05.04.08. Ver: Petición de información da APDR ao Concello de Moaña 30.01.02

Imaxe reflectida da Torreta de Telefónica e un dos edificios en construción. Ver Faro de Vigo

CONTAMINACIÓN ELECTROMAGNÉTICA EN MOAÑA: A APDR COA PLATAFORMA DE AFECTAD@S POLA SUBESTACIÓN ELÉCTRICA DE FENOSA.
Ante a subestación eléctrica que Unión Fenosa pretende situar nunha zona residencial en Trigás (San Martiño) os veciñ@s e ecoloxistas agrupanse nunha Plataforma como defensa contra esta electrocontaminación. Resumo das súas derradeiras actividades: Charla informativa ante 200 persoas (23-02-08) no colexio público de Abelendo; onde Isabel Oviedo (doutora en dereito nuclear) e Xulio Carmona (campaña polo uso racional da telefonía móbil da APDR) informaron da contaminación electromagnética e as implicacións dunha subestación eléctrica nesta zona residencial cun colexio próximo. Participación no pleno municipal (28.02.08): conseguindo o compromiso de contar coas persoas afectadas nun proceso previo. Participación na asamblea de comuneiros de Moaña (02-03-08): acordan apoio económico nas xestións contra a construción da subestación Participación na 1ª reunión da comisión municipal de seguimento por unha subestación (15-03-08) xunto a representantes municipais e técnicos de Unión Fenosa A Plataforma abandona a comisión e o alcalde se posiciona en contra da instalación da subestación en Trigás. Ver: Folla da Plataforma. Ver prensa: La Voz de Galicia 15.02.08, Diario de Pontevedra 16.02.08, Faro de Vigo 24.02.08 e Diario de Pontevedra 24.02.08, La Voz de Galicia 29.03.08. Ver: Vieiros (alegacións de Luita Verde ao PXOM de Moaña)

CAMPAÑA DE NADAL : POLO USO RACIONAL DA TELEFONÍA MÓBIL NA INFANCIA.
O 14/12/07 a APDR presentou na sala Sargadelos dita campaña denunciando a desprotección legal ante practicas empresariales coma as de Imaginarium, que ofertando as bondades de "seguridade" do seu teléfono móbil comete unha grave irresponsabilidade a nivel sanitario e educativo rebaixando a cota de mercado das multinacionais telefónicas a nen@s cada vez máis pequen@s, obviando o recomendado "principio de precaución" (Ver: Folla informativa, Chamada á Precaución do Ministerio de Saúde francés). Tamén denunciamos a colaboración do Centro infantil de ocio CAMELOT coa publicidade dun teléfono móbil convencional de VODAFONE que oferta o acceso aos debuxos animados de POCOYO feitos para preescolares y de gran éxito no público infantíl. Ver Mercavedra

Rolda de prensa en Faro de Vigo 17/12/07

CONTAMINACIÓN ELECTROMAGNÉTICA: CO GRUPO DE VECIÑ@S AFECTAD@S EN CELA (BUEU).
Domingo 21.10.07: A Comunidade de Montes Veciñais de Santa María de Cela autoriza a instalación dunha antena base de telefonía móbil da compañía Vodafone, no lugar de Costa Grande (Chans) Luns 22.10.07: nace o grupo de veciñ@s afectadas en Cela pola instalación (anunciada) dunha antena de telefonía móbil en Chans que comeza unha campaña de información, sensibilización e recollida de sinaturas polo principio de precaución ante a imposición dunha antena cerca das súas Domingo 28.10.07 cheo na charla informativa aberta dun membro da xunta directiva da APDR, na Casa da Cultura de Cela, onde informou da actual situación científico-sanitaria-legal, destacando a necesidade de regulamentos baseados no principio de precaución Martes 06.11.08: entrega de 650 sinaturas no rexistro municipal de Bueu Mércores 07.11.08: Presencia de numerosos veciñ@s de Cela no Pleno municipal: compromiso do alcalde Félix Juncal de non dar licenza 20.11.08: Grupo de comuneros de Cela impugnan o acordo de instalación dunha antena de Vodafone Compromiso posterior do goberno municipal: regular específicamente sobre as antenas de telefonía móbil baseándose no principio de precaución. Ver: comunicado, impugnación comuneiros, noticias de prensa.

Veciñ@s de Cela no pleno municipal de Bueu

A APDR SOLICITA AO CONCELLO INFORMACIÓN SOBRE A LEGALIDADE DAS ANTENAS BASE DE TELEFONÍA MÓBIL
Continuando o estudo do mapa das 20 antenas base detectadas na cidade así como das zonas sensíbeis afectadas (colexios, lugares de recreo, centros de maiores, centros sanitarios, ...), o sábado 22 de Setembro, se solicitou ao concello de Pontevedra "información detallada sobre as antenas base de telefonía móbil instaladas e en funcionamento na actualidade na nosa cidade que contan coa prescritíbel Licenza Municipal, necesaria para poder realizar a súa actividade". Esta petición . vai paralela á campaña de información que se está desenvolvendo nos centros escolares en colaboración coas ANPAS. Nota de prensa do 21 de Setembro de 2007. Ver solicitude

O CONSELLO ESCOLAR DO CEIP FROEBEL SOLICITA LA RETIRADA DA ANTENA DE TELEFONÍA QUE ESTÁ A ESCASOS METROS DO COLEXIO NA RÚA ECHEGARAY.
Coincidindo co fin do curso académico 2006-2007 na asemblea do Consello escolar do Centro de Educación Infantil e Primaria de FROEBEL, a proposta da ANPA Pardo Bazan do CEIP de Froebel, solicitou ao Concello de Pontevedra que, de acordo co principio de precaución regulado polo Tribunal de Xustiza da Unión Europea e recollido en tratados e convencións internacionais subscritos por España: cando subsista incerteza respecto á existencia e á importancia dos riscos para a saúde das persoas, as institucións poden adoptar medidas de protección sen ter que esperar a que a realidade e a gravidade dos riscos estean plenamente demostrados, se retire a antena instalada no edificio nº 24 da rúa Echegarai. debateuse o perigo potencial que supón a proximidade da antena basee dá rúa Echegaray 24, propondo: a súa retirada en base ao Principio de Precaución. Ver: Solicitude ao Concello de Pontevedra

PRESENTACIÓN DA CAMPAÑA DE INFORMACIÓN SOBRE CONTAMINACIÓN ELECTROMAGNÉTICA E A TELEFONÍA MÓBIL
A APDR e o Colectivo de persoas de afectadas polas antenas de telefonía de Moraña, súmanse a Chamada do día Internacional contra a CONTAMINACIÓN ELECTROMAGNÉTICA, denunciando públicamente a lexislación permisiva cos intereses das operadoras de telefonía móbil que esquecen estudos multicentricos (REFLEX) con datos CONCLUINTES sobre os EFECTOS XENOTÓXICOS da radiación da teléfonía móbil aos niveis autorizados nunha exposición CONTINUADA nos humanos (máis grave na infancia e na vellez). Presentouse o material da campaña: un Tríptico informativo cun mapa de antenas de telefonía de Pontevedra coas ZONAS SENSÍBEIS EXPOSTAS (C. Sanitarios, Educativos, Xeriátricos, ..) e unha Folla por un uso racional da Telefonía Móbil na infancia coa vontade de convocar en setembro as asociacións de nais e pais e de veciñ@s para frear a contaminación electromagnética en Pontevedra en base ao Principio de Precaución. Ver: Noticia de prensa Faro de Vigo do 23/06.07, Manifesto do Día Mundial das Telecomunicacións.

Foto da rolda de prensa no Faro de Vigo 23/06/07

SOLIDARIEDADE CON MORAÑA
Dous membros dá APDR reunímonos o pasado martes 19 de xuño na zona de Santa Lucía en Moraña co colectivo de persoas afectadas polas antenas de telefonía móbil. Transmítellenos o temor, a incerteza e a soidade na que se atopan ante a concentración de casos de cancro (máis de 50 -dos cales máis do 30% xa faleceron-) en só 5 rúas e 5 lugares durante os derradeiros 10 anos, todos eles nunha contorna no que se sitúan as 3 estacións Basee de Telefonía Móbil e un antigo transformador.
A iso engádese unha serie de síntomas e enfermidades en persoas e animais que a literatura científica tradicionalmente asocia á exposición a microondas pulsátiles.
Neste encontro comprometémonos con devandito colectivo en dar luz e apoio que saque do illamento e a incompresión á súa problemática, así como lles invitamos a participar coa APDR na rolda de prensa que convoca con motivo do Día Internacional contra a Contaminación Electromagnética. Ver recortes de prensa en Moraña. Ver Petición de ESTUDO EPIDEMIOLÓXICO á Consellería de Sanidade.